Kele jatqan jańa jyl bireýler úshin shynymen de ertegige aınalady. Mereke qarsańynda Astana ákimdigi eń úzdik jańajyldyq beınequttyqtaýǵa baıqaý jarııalady, dep habarlady astana.gov.kz.
Baıqaý Aıaz Atanyń atynan Instagramdaǵy (ayazata_official) resmı paraqshada júrgiziledi. Jarysqa nıet bildirgen ár adam qatysa alady. Ol úshin elorda turǵyndaryna arnalǵan óz quttyqtaýyn júkteý qajet, al sıpattamada «@ayazata_official» baıqaýy jáne #snovymgodomAstana2017 heshtegin qoıý kerek. Qatysýshynyń paraqshasy baıqaý aıaqtalǵansha ashyq turýǵa tıis.
Beınequttyqtaýlar 2016 jyldyń 30 jeltoqsany saǵat 23:59-ǵa deıin qabyldanady. Erekshe ıdeıanyń avtory IPhone 7 ıegeri atanady. Baıqaý qorytyndysy 31 jeltoqsan kúni saǵat 15:00-de «Han Shatyr» SOSO-ynda shyǵarylady.