О́tken jyl bizdiń elimizdiń strategııalyq áriptesi – Amerıka Qurama Shtattarymen ekijaqty qarym-qatynasynda kezekti aıtýly oqıǵamen aıshyqtaldy, dep habarlady Qazaqstan Respýblıkasy Syrtqy ister mınıstrliginiń baspasóz qyzmeti.
2016 jyldyń 29 jeltoqsanynan bastap AQSh-qa iskerlik, jeke nemese týrıstik maqsattarmen baratyn qazaqstandyqtar kúshi on jylǵa deıingi merzimge jetetin amerıkalyq vıza ala alatyn boldy. Vızalardy ózara berýdiń jańa tártibi týraly ýaǵdalastyqqa Qazaqstan Respýblıkasy men Amerıka Qurama Shtattarynyń syrtqy saıasat vedomstvolary qol jetkizdi.
Bul ózgerister endi qazaqstandyqtardy AQSh-qa jeke saparmen barý aldynda jyl saıyn vızalar resimdeý úshin Amerıka konsýldikterine barý qajettiginen qutqaratyn boldy. Sóıtip, vıza 10 jyl merzimge beriledi, onda azamattardyń eki memlekettiń aýmaǵynda bolý ýaqytyn, ishki zańnamalarǵa sáıkes, mıgrasııalyq qyzmetter aıqyndaıdy.
Eki memleket azamattaryna vıza merzimin 10 jylǵa deıin uzartý týraly kelissózder, halyqaralyq-quqyqtyq ólshemmen alǵanda, asa uzaqqa sozylǵan joq. Jáne de bul merzim AQSh tarapynyń vıza berýdegi is júzinde barynsha eń uzaq merzimi bolyp tabylady. Al sóz oraıynda kelissózder barysynda barlyq detaldar bir jyl ishinde kelisilip úlgerilgenin aıta keteıik.
Endi Qazaqstan Respýblıkasy Amerıka Qurama Shtattary úshin Qytaı, Úndistan, Meksıka sııaqty óte eksklıýzıvti strategııalyq mańyzdy memleketterdiń biri bolyp tabylady. О́ıtkeni, mundaı nátıjege jetýge AQSh-qa barǵan qazaqstandyqtardyń sol el zańdaryn qatań saqtap, ózderin asa jaqsy jaǵynan kórsetkenderi sebep bolǵany anyq.
Vızalardyń ýaqyt merzimin ulǵaıtý eki el azamattarynyń ózara saparlar almasý jaǵdaılaryn barynsha ońtaılandyrýǵa múmkindik beredi jáne Qazaqstan men Amerıka arasyndaǵy saýda-ekonomıkalyq, ǵylymı-tehnıkalyq, mádenı-gýmanıtarlyq, týrıstik jáne taǵy basqa salalardaǵy yntymaqtastyqty damytýǵa baǵyttalyp otyr.
О́tken jyldyń 25 jeltoqsanynda Qazaqstan men AQSh eki el arasynda dıplomatııalyq qarym-qatynas ornaǵanynyń 25 jyldyǵyn atap ótkenin qaperge salaıyq.