«Qaırat» fýtbol klýbynyń oqý-jattyǵý jıynyndaǵy qarsylastary belgili boldy. Bul týraly vesti.kz habarlady.
Almatynyń komandasy birinshi joldastyq kezdesýin 12 qańtar kúni Albanııanyń «Kýkesı» ujymyna qarsy ótkizedi. Al ekinshi match 19 qańtarda Reseıdiń «Orynboryna» qarsy josparlanǵan.
Bir qyzyǵy, «Qaırat» bul atalǵan qos ujymǵa qarsy oınaǵan. 2014 jyly Eýropa lıgasynyń irikteý kezeńinde «Kýkesıdi» eki oıynnyń qorytyndysy boıynsha 1:0 esebimen jeńgen. Al «Orynbormen» Almaty qalasynda joldastyq match ótkizip, nátıjesinde reseılik klýb 2:3 esebimen basym túsken.
Aıta keteıik, Túrkııanyń Belek qalasyndaǵy oqý-jattyǵý jıyny 5-20 qańtar aralyǵynda ótedi.