Qytaıdyń Naryqty retteý jónindegi memlekettik basqarmasy (SAMR) paıdalanýshylardy aldaý maqsatynda ózderin OpenAI-dyń ChatGPT jáne DeepSeek qyzmetteri retinde kórsetken kompanııalarǵa aıyppul saldy, dep habarlaıdy Egemen.kz.
Alaıaqtyq saıttar resmı platformalarǵa (mysaly, DeepSeek) óte uqsas qaripterdi, belgilerdi jáne bet dızaınyn paıdalanady.
Mysaly, Shanghai Shangyun kompanııasy WeChat sýperqosymshasynda ózin OpenAI chat-botynyń «resmı qytaılyq nusqasy» retinde kórsetip, paıdalanýshylardy jańylystyrǵan.
ChatGPT-de jarnama paıda bolady
Jalǵan servıster JI kómegimen dıalog júrgizý úshin paıdalanýshylardy aqy tóleýge májbúrleıdi.
Keıbir kompanııalar «DeepSeek-ti jergilikti ornalastyrý» sııaqty jalǵan qyzmetterdi usynatyn ruqsatsyz veb-saıttar jasaıdy.
ChatGPT kámeletke tolmaǵandardy avtomatty túrde anyqtaı bastaıdy
Qytaı bıligi Shanghai Shangyun Internet Technology kompanııasyna 9 034 dollar, al Hangzhou Boheng Culture Media kompanııasyna 4 323 dollar aıyppul saldy. Bul sharalar jasandy ıntellekt sektoryndaǵy josyqsyz básekelestik pen zııatkerlik menshik urlyǵyna qarsy kúres aıasynda júzege asty.