«Qazgıdromet» 14,15 jáne 16 sáýirge arnalǵan aýa raıy boljamyn jarııalady. Sınoptıkterdiń boljamynsha, aldaǵy úsh kúnde el aýmaǵynda aıaz bolyp, aýa temperatýrasy 8 gradýsqa deıin tómendeıdi, dep jazady Egemen.kz.
Soltústik óńirlerde aýa temperatýrasy nólden tómen túsip, jańbyr sońy qarǵa ulasýy múmkin. Sondaı-aq kóktaıǵaq boljanyp otyr. Batys aımaqtarda aldaǵy úsh kún boıy nóser jańbyr jaýyp, burshaq túsedi, jel kúsheıedi. 16 sáýir kúni ońtústikte, al 15-16 sáýir kúnderi soltústik pen ortalyqta jaýyn-shashyn boljanǵan. Shyǵys Qazaqstanda 14 sáýirge qaraǵan túni qar aralas jańbyr jaýýy yqtımal. Sonymen qatar jalpy el aýmaǵynda tuman túsip, jel kúsheıedi.
Elimizdiń basym bóliginde jańbyr jaýady
Temperatýralyq kórsetkishter de aıtarlyqtaı tómendeıdi. Batys óńirlerde túnde aýa temperatýrasy +2, +10 gradýs aralyǵynda bolsa, kúndiz +10, +15 gradýsqa deıin kóteriledi. Soltústikte túngi ýaqytta -2, -8 gradýsqa deıin sýytyp, kúndiz 0, +7 gradýs shamasynda bolady. Al ońtústikte aýa temperatýrasy túnde +3, +13 gradýs, kúndiz +8,+18 gradýs aralyǵynda saqtalady.
Qazaqstannyń basym bóliginde aýa raıy kúrt buzylady