Búginde elimizdiń túkpir-túkpirinde «Taza Qazaqstan» ekologııalyq aksııasy aıasynda tazalyq is-sharalary qarqyndy júrip jatyr. Eldegi ekologııalyq jaǵdaıdy jaqsartýǵa, halyqtyń ekologııalyq mádenıetiniń deńgeıin arttyrýǵa, azamattardy qorshaǵan ortany qorǵaý máselelerine tartýǵa baǵyttalǵan aksııaǵa Jambyl oblystyq orman sharýashylyǵy jáne janýarlar dúnıesi aýmaqtyq ınspeksııasynyń qyzmetkerleri de aıryqsha úles qosyp keledi, dep habarlaıdy Egemen.kz.
Jýyrda «Taza Qazaqstan» aksııasy sheńberinde ınspeksııa qyzmetkerleri Taraz qalasyndaǵy №26 mekteptiń aýlasyna oqýshylarmen birge 30 túp aǵash otyrǵyzdy. Is-sharanyń maqsaty – óskeleń urpaqtyń boıynda ekologııalyq mádenıetti qalyptastyrý, oqýshylardyń qorshaǵan ortaǵa degen súıispenshiligin oıatý, sondaı-aq tabıǵatqa uqyptylyqpen qaraýǵa tárbıeleý.
«Taza Qazaqstan» ekologııalyq aksııasy bastalǵaly beri ınspeksııa mamandary qalamyzdy kórkeıtýge, ózimiz ómir súrip jatqan ortany, aınalamyzdy taza ustaýǵa baǵyttalǵan senbilikterdi, búgingideı kóktemgi, kúzgi aǵash otyrǵyzý is-sharalaryn turaqty túrde ótkizip keledi. Máselen ınspeksııanyń 2026 jylǵy josparyna sáıkes búgin ótip jatqan «О́z aǵashyńdy otyrǵyz» aksııasy osy sózimizdiń aıǵaǵy. Aldaǵy ýaqytta bul baǵyttaǵy jumystar basqa bilim ordalarynda da jalǵasyn tabady», deıdi Jambyl oblystyq orman sharýashylyǵy jáne janýarlar dúnıesi aýmaqtyq ınspeksııasy basshysynyń mindetin atqarýshy Nurǵalı Nııazqulov.
«Taza Qazaqstan»: Polısııa 3 myńnan astam zańsyz qoqys úıindisin joıdy
О́z kezeginde aksııaǵa qatysqan oqýshylar is-sharanyń tárbıelik máni óte joǵary ekenin atap ótip, ınspeksııa qyzmetkerlerine alǵystaryn bildirdi.
Memleket basshysy: «Taza Qazaqstan» jalpyulttyq jobasynyń túpki máni – qoǵamdyq sanany jańǵyrtý