Qazaqstannyń kásipqoı boksshysy, WBO nusqasy boıynsha álem chempıony Jánibek Álimhanuly Halyqaralyq boks federasııasynyń (IBF) reıtınginen shyǵaryldy, dep jazady Egemen.kz.
IBF uıymy boksshynyń qanynan tyıym salynǵan meldonıı preparaty anyqtalǵany týraly aqparattan keıin Jánibek Álimhanulyn chempıondyq belbeýinen aıyrǵan edi.
Endi Halyqaralyq boks federasııasy orta salmaqtaǵy boksshylardyń jańartylǵan reıtıngin jarııalady. Jańartylǵan tizimde sportshynyń esimi joq. Nátıjesinde IBF tujyrymy boıynsha chempıondyq belbeý bos qaldy, al reıtıngtiń birinshi orny da ıesiz.
Qazir ekinshi orynǵa ıtalııalyq boksshy Etınoza Olıha jaıǵassa, úshinshi satyny jeńilis kórmegen ırlandııalyq Aaron Makkenna ıelenip otyr.
Eske salaıyq, Álimhanulynyń aǵzasynan dopıng tabylǵany týraly aqparat 2025 jyldyń jeltoqsanynda jarııalandy.
Al World Boxing Organization orta salmaqtaǵy álem chempıony Jánibek Álimhanulyn jekpe-jekterden 1 jylǵa shettetti.