Fılıppınde Maıon janartaýy atqylaı bastady. Myńdaǵan adam qaýipsiz jerge kóshirildi. Fılıppınniń Výlkanologııa jáne seısmologııa ınstıtýty qaýip deńgeıin 5 baldyq shkala boıynsha 3-deńgeı dep jarııalady. Mamandar janartaýdyń atqylaýy jalǵasýy múmkin ekenin eskertti, dep habarlaıdy Egemen.kz.
Qazirgi tańda evakýasııalyq ortalyqtarda 1 500 otbasy, ıaǵnı 5 000-nan astam adam ornalastyrylǵan. Áleýmettik qorǵaý departamenti 8 shaqyrym radıýsta turatyn turǵyndardy barynsha saq bolýǵa shaqyrdy.
Tabıǵı apat Albaı provınsııasy aýmaǵyndaǵy 52 eldi mekenge áser etken. Kamalıg, Gınobatan, Daraga jáne Lıgao aımaqtarynda qatty jaýyn-shashyn tirkeldi.
Qyzyl Krest eriktilerdi kómekke jiberdi. Bılik turǵyndarǵa júzdegen qorap respırator jetkizgen. Mamandar turǵyndarǵa tereze men esikti jaýyp, syrtta maska taǵýǵa keńes berdi.
Maıon janartaýynyń bıiktigi – shamamen 4 200 metr. Sońǵy 400 jylda ol 50-den astam ret atqylaǵan. Eń joıqyn apat 1814 jyly bolyp, 1 200 adam qaza tapqan.