Qazaq sport jáne týrızm akademııasynyń prezıdenti Qaırat Zakırıanov jas fýtbolshy Dastan Sátpaevqa arnaıy akademııalyq grant tabystady, dep habarlaıdy Egemen.kz.
Qazirgi tańda mektep qabyrǵasynda bilim alyp júrgen Dastan Sátpaev jas bolsa da, óziniń eńbekqorlyǵy men talantynyń arqasynda kópshiliktiń nazaryn aýdaryp úlgerdi. Onyń fýtbolǵa degen erekshe yntasy men tabandylyǵy halyqaralyq deńgeıde baǵalanyp, Anglııanyń áıgili Chelsea F.C. klýbynyń nazaryn ózine aýdardy. Jas sportshynyń sheteldik klýb tarapynan shaqyrtý alýy — qazaq fýtboly úshin tarıhı ári qýanyshty jańalyq.
«Chelsı» jankúıerleri Dastan Sátpaevtyń golyna tánti boldy
Akademııa prezıdenti Qaırat Zakırıanov fýtbolshyǵa grant tabystaı otyryp, bilim men sportty qatar alyp júrýdiń mańyzyn erekshe atap ótti. Akademııa tarapynan kórsetilgen bul qoldaý — jas sportshynyń bolashaǵyna jasalǵan ınvestısııa ǵana emes, daryndy jastarǵa berilgen úlken múmkindik.
Eske salaıyq, buǵan deıin Dastan Sátpaevqa «Daryn» memlekettik jastar syılyǵy tabystalǵan bolatyn.