Astanada LRT jelisiniń Qosshy baǵytyndaǵy ekinshi kezeńiniń qurylysy resmı túrde bastaldy. Elorda ákimdiginiń habarlaýynsha, joba aıasynda alǵashqy tireýishterdi ornatý jumystary qarqyn aldy, dep jazady Egemen.kz.
Qazirgi ýaqytta qurylys alańynda alǵashqy tireýishti quıý jumystary aıaqtaldy. Sonymen qatar elordanyń beton zaýytynda estakadalyq bólikke arnalǵan alǵashqy temirbeton arqalyq (balka) daıyndalyp shyqty.
Qosshy baǵyty boıynsha barlyǵy 300-den astam tireýish turǵyzylady. 538 qurama temirbeton arqalyq montajdalady. 8 monolıtti arqalyq ornatý josparlanǵan.
LRT kólik kartasyna ótinim berý qashan bastalady?
Mamandardyń aıtýynsha, bul jobanyń júzege asyrylýy elordanyń kólik ınfraqurylymyn jańa deńgeıge kóterip, qala men irgeles jatqan Qosshy seriktes qalasy arasyndaǵy qatynasty edáýir jeńildetpek.
Eske sala keteıik, Astanada LRT jelisiniń jyljymaly quramy men negizgi júıelerin testilik synaqtan ótkizý jumysy tolyq kólemde aıaqtaldy.