Fılıppınniń Sýbık-Beı qalasynda ótken trıatlonnan Azııa Kýboginde Qazaqstan quramasy aıtarlyqtaı tabysqa jetti. Jasóspirimder men eresekter arasyndaǵy básekede otandastarymyz 4 medal ıelendi, dep habarlaıdy Egemen.kz.
Eresekter arasynda almatylyq Daryn Qonysbaev ekinshi bolyp kelip, kúmis júldeger atandy. Al jasóspirimder arasynda Astana men Shymkent sportshylary úzdik shyqty:
Ramazan Aınegov (Astana) – altyn; Alýa Nurmuhambet (Astana) – altyn; Kalerııa Shneıder (Shymkent) – kúmis.Jarystyń eń mańyzdy sáti – Ramazan Aınegovtyń Dakarda ótetin 2026 jylǵy Jasóspirimder Olımpıada oıyndaryna joldama ıelenýi boldy.
Eske sala keteıik, Qazaqstan quramasy trıatlonnan Gonkongta ótip jatqan jasóspirimder arasyndaǵy Azııa chempıonatynda altyn medal jeńip alǵan edi.