Memleket basshysy Qasym-Jomart Toqaev mamyr merekeleri kezinde Prezıdent Is basqarmasynyń atqorasyna bardy. Prezıdent munda ár jyldary ózine syıǵa tartylǵan arǵymaqtardyń kútimin kórdi, dep habarlaıdy Egemen.kz.
Memleket basshysy osydan bir jyl buryn Aqalteke tuqymdas qylań boz taıǵa Aqjan degen at bergen bolatyn. Búginde shoqtyǵy bıik, qaz moıyn, denesi sylyńǵyr bul janýar óziniń erekshe bolmys-bitimimen kóz tartady.
Sondaı-aq Prezıdent atqoraǵa jańadan qosylǵan qula tústes qulynǵa Aqnıet dep at qoıdy. Atbegiler men mamandar bul tulpardyń bolashaǵynan zor úmit kútip, halyqaralyq jarystarda top jaratynyn aıtady.
Atqorada Qatar elinen syıǵa kelgen asyl tuqymdy araby arǵymaqtar da bar.
Qasym-Jomart Toqaev bos ýaqytynda atqoraǵa kelip, jylqylarǵa óz qolymen jem berip turady.