Qytaıdyń Hanchjoý qalasynda kóshe tártibin qadaǵalaý úshin robottandyrylǵan polıseıler qyzmetke kiristi. «Aqyldy» patrýlder jaıaý júrginshiler men velosıpedshilerdiń jol erejesin saqtaýyn baqylaıdy, dep habarlaıdy Egemen.kz.
Associated Press agenttiginiń dereginshe, robottar tek qaýipsizdikti kúzetip qana qoımaı, qozǵalysty retteýge jáne týrısterge baǵyt-baǵdar berýge kómektesedi. Daýystyq komandalardy túsinetin bul qurylǵylar kez kelgen jaǵdaıǵa jedel áreket etý qabiletine ıe.
Qytaıda bala baǵyp, úı jınaıtyn ámbebap robot paıda boldy
Qazirgi tańda qala kóshelerinde 15 robot tártip saqshylarymen birlesip jumys istep jatyr. Bul adamdarǵa túsetin júktemeni azaıtyp, trafıkti basqarý tıimdiligin arttyrýǵa múmkindik berip otyr. Aıta keteıik, jańa júıe tolyq iske qosylmas buryn jappaı is-sharalar men marafondar kezinde synaqtan ótkizilgen. Endi robottar turaqty negizde resmı qyzmetine kóshti.
Robottar jarysy: Qytaıda 100-den astam gýmanoıd marafonda júgirdi