Almaty oblysynyń Qarasaı jáne Uıǵyr aýdandarynda mal urlyǵymen aınalysqan eki qylmystyq top ustaldy. Kúdiktiler erkin jaıylymdaǵy júzden astam maldy júk kólikterimen tasyp áketip otyrǵan, dep habarlaıdy Egemen.kz.
Tergeý barysynda anyqtalǵandaı, qaskóıler aldyn ala daıyndalǵan jospar boıynsha áreket etken. Urlanǵan mal kórshi aýdandarǵa tasymaldanyp, jergilikti turǵyndarǵa satylyp kelgen.
17 jyl mal baqqan shopan kúdikke ilindi: Jetisý oblysynda iri kólemdegi mal urlyǵy ashyldy
Qazirgi ýaqytta ustalǵandardyń jalpy quny 7 mıllıon teńgeden asatyn 69 bas usaq múıizdi maldy jáne quny 20 mıllıon teńgege jýyq 43 bas iri qarany urlaýǵa qatysy bary dáleldendi. Barlyq kúdiktiler qamaýǵa alynǵan.
Mal urlyǵy tyıylmaı tur
Ishki ister mınıstrligi mal urlyǵy úshin múlkin tárkileı otyryp, 12 jylǵa deıin bas bostandyǵynan aıyrý jazasy qarastyrylǵanyn eskertedi. Sondaı-aq mal ıelerine jaıylymdy baqylaýsyz qaldyrmaýǵa keńes beredi.