Astanada 28 mamyr kúni Qazaqstan Respýblıkasy Áýe qorǵanys kúshteriniń josparly is-sharalary aıasynda qala aspanynda joıǵysh ushaqtardyń kórsetilimdik ushýy ótedi, dep habarlaıdy Egemen.kz
Is-sharaǵa daıyndyqqa baılanysty 24 mamyrdan bastap elorda áýe keńistiginde áskerı avıasııanyń oqý-jattyǵý ushýlary bastalady.
Joıǵysh ushaqtardyń ushýy men jattyǵý sharalary qaýipsiz bıiktikte júrgizilip, qala turǵyndarynyń qalypty tynys-tirshiligine kedergi keltirmeıtindigi aıtylyp otyr.
Áýe qorǵanysy kúshteri elorda turǵyndary men qonaqtarynan jattyǵýlar men kórsetilimdik ushý kezeńinde týyndaýy múmkin qysqa merzimdi shý deńgeıiniń joǵarylaýyna túsinistikpen qaraýdy suraıdy.
Áýe qorǵanys kúshteri eskertedi:
– barlyq ushýlar qaýipsizdik talaptaryna sáıkes uıymdastyrylǵan jáne halyqqa eshqandaı qaýip tóndirmeıdi;
– túrli tústi tútinderdi qoldaný tek kórsetilimdik sıpatqa ıe jáne qorshaǵan ortaǵa zııan keltirmeıdi.