Bıyl Astanada 173-ke jýyq qoǵamdyq jáne aýla keńistigin abattandyrý, sondaı-aq 1,1 mıllıonnan astam jasyl jelek (kóshetter, butalar, gúlder men aǵashtar) otyrǵyzý josparlanyp otyr. Egemen.kz
Elordanyń barlyq aýdanynda jaıly qalalyq ortany qurý boıynsha aýqymdy jáne jergilikti jobalardy iske asyrý jalǵasady, dep habarlaıdy elorda ákimdiginiń resmı saıty.
Negizgi jobalardyń qatarynda «Myńjyldyq» alleıasyndaǵy úsh nysandy iske asyrý, Greenline jaıaý júrginshiler býlvarynyń ekinshi kezeńiniń qurylysyn jalǵastyrý, sondaı-aq jergilikti qoǵamdyq keńistikterdi damytý bar. Jańa qalalyq keńistikter, gúlzarlar men promenadtar elorda turǵyndary men qonaqtary úshin qosymsha tartymdy ortalyqtary men demalys oryndaryna aınalady.
Saryarqa aýdanynda bos jatqan jerlerdiń, buzylǵan garajdar men eski úılerdiń ornynda 4 jańa gúlzar ashylady. Iri jobalardyń biri A. Úlimjiuly kóshesiniń boıynda iskk asyp jatyr, onda landshaftyq dızaıny bar zamanaýı demalys aımaǵy qurylyp jatyr. Sondaı-aq 11 aýla aýmaǵynda jumys júrgizilýde, al jalpy osy maýsymda 30-ǵa jýyq aýlany kúrdeli jóndeýden ótkizý josparlanǵan. Sonymen qatar Kenesary kóshesin qaıta jańartý jumysy qyzý júrip jatyr.
Almaty aýdanynda negizgi nazar B. Momyshuly, Sh. Qudaıberdiuly dańǵyldaryn jáne Sharl de Goll kóshesin qaıta jańartýǵa qoıylǵan. Bul jerlerde jańa gúlzarlar, sporttyq keńistikter men jasyl aımaqtar ashylady. Sondaı-aq «Alma» jáne «Jalaıyrı» gúlzarlary, Temirjolshylar turǵyn alabyndaǵy aýmaqtar jańartylady. «Halyq qatysatyn bıýdjet» baǵdarlamasy boıynsha 9 aýla modernızasııalanady. 28 aýlada jóndeý-qalpyna keltirý jumysy júrgizildi, jalpy aýdanda 50 aýla aýmaǵyn jańartý josparlanyp otyr.
Esil aýdanynda «Halyq qatysatyn bıýdjet» baǵdarlamasy boıynsha bes turǵyn úı kesheniniń aýlasy jańartylady: «Adına», «Venskıı kvartal», «Arman qala 4», «Arman qala 5» jáne «Lazýrnyı kvartal». Bul jerlerde zamanaýı balalar jáne sport alańdary, jaryqtandyrý, oryndyqtar ornatylyp, kógaldandyrý jumysy júrgiziledi.
Baıqońyr aýdanynda bıyl 70 aýla abattandyrylady. Onyń ishinde 20 aýmaq oıyn keshenderin, trenajerler men demalys aımaqtaryn ornata otyryp, keshendi modernızasııalaýdan ótedi. Bul jobalardyń basym bóligi 12 aýla «Halyq qatysatyn bıýdjet» baǵdarlamasy arqyly turǵyndardyń óz bastamasymen iske asyrylyp jatqanyn atap ótken jón. Taǵy 50 aýla jóndeý jumystarymen qamtylǵan. Alǵashqy 6 jańartylǵan aýla mamyr merekelerine qaraı ashylyp úlgerdi.
Nura aýdanynda ekoortany jáne jaıaý júrginshiler ınfraqurylymyn damytý negizgi baǵyt bolyp otyr. Ekoparkte belsendi jumys júrgizilýde: daıyndyq kezeńi aıaqtalyp, qurylys-montajdaý jumysy bastaldy. Greenline jelekjolynyń ekinshi kezeńin iske asyrý jalǵasýda, Astanalyq sırkiniń aýmaǵy men jańa qoǵamdyq keńistikter abattandyrylyp jatyr. Jańa nysandardyń biri «QazMunaıGaz» gúlzary bolmaq. Sondaı-aq «Altyn Shar-1», «Madrıd» jáne «Kopengagen» turǵyn úı keshenderiniń mańynda jumystar júrgizilýde. «Halyq qatysatyn bıýdjet» baǵdarlamasy boıynsha aýdanda 6 aýla jańartylady.
Saraıshyq aýdanynda R. Qoshqarbaev dańǵylyn abattandyrý jalǵasýda, onda zamanaýı promenad qurylyp jatyr. Munda iri aǵashtar men gúldeıtin butalar otyrǵyzylady, sondaı-aq aýmaqty jaryqtandyrý jumysy júrgizilýde. «Halyq qatysatyn bıýdjet» baǵdarlamasy boıynsha keshendi abattandyrýmen 13 aýlany qamtý, sonymen qatar 30 aýlada aǵymdaǵy jóndeý jumysyn júrgizý josparlanyp otyr.
Sondaı-aq aýdanda eskertkishterdiń mańynda, parktik aımaqtarda jáne konteınerlik alańdarda qalpyna keltirý jumysy júrgizilip jatyr.
Osylaısha, elordada jaıly qoǵamdyq keńistikter qurý, kógaldandyrý jáne zamanaýı qalalyq ınfraqurylymdy damytý boıynsha júıeli jumys júrip jatyr.