Dúnıejúzilik toǵyzqumalaq federasııasy men QR Ardagerler Keńesi qazaqtyń ulttyq zııatkerlik oıyny – toǵyzqumalaqty damytý boıynsha ortaq kelisimge keldi. Federasııa prezıdenti Alıhan Baımenov pen Keńes tóraǵasy Ábilǵazy Qusaıynov eki uıymnyń arasyndaǵy yntymaqtastyq týraly memorandýmǵa qol qoıdy, dep jazady Egemen.kz.
Jıynda toǵyzqumalaq jastar tárbıesinde ǵana emes, ardagerlerdiń ıntellektýaldyq, fızıkalyq, mentaldy qalpyn saqtap, damytýda paıdaly qural ekendigi aıtyldy.
Mańǵystaýlyq oqýshy toǵyzqumalaqtan álem chempıony atandy
Alıhan Baımenovtiń aıtýynsha, keıbir oblystardaǵy belsendi qarııalyq ortalyqtar tájirıbesi toǵyzqumalaqtyń egde adamdardyń da densaýlyǵyna oń áserin kórsetken.
«О́ıtkeni, munda mımen qatar qumalaq úlestirgendegi motorıka – qol, saýsaqtar qımyly qatar jumys jasaıdy. Bul adamdardyń babynda saqtalýyna, ómir súrýin uzartýǵa qosymsha faktor bola alatyndyǵyn zertteýshiler pikirleri men ortalyqtar tájirıbesi baıqatady» dedi federasııa prezıdenti.
Sondyqtan Alıhan Baımenov ardagerlik uıymdarmen jumys isteýge múddeli ekendikterin atap ótti. Memorandým toǵyzqumalaqty dáriptep, nasıhattaý úshin jarystar, semınarlar, túrli oqý-jattyǵý sharalaryn birlese ótkizýge baǵyttalǵan.
Ábilǵazy Qusaıynov ta óz tarapynan ardagerler ulttyq-mádenı muramyz – toǵyzqumalyqty nasıhattaýǵa óz úlesterin qosýǵa yntaly ekendikterin bildirdi. Ulttyq mádenı muranyń jarqyn úlgisi - toǵyzqumalaqtyń ardagerler arasynda keńinen taralýy úlgimen tárbıeleý turǵysynan da, jasampazdyqty saqtaý turǵysynan da mańyzdy ekendigi aıtyldy.
Jahandyq jarys: Elimiz toǵyzqumalaqtan 30 medal enshiledi
Kezdesý sońynda Alıhan Baımenov Ábilǵazy Qusaıynovqa toǵyzqumalaq taqtasyn tartý etip, eki uıym basshylary jáne Ardagerler keńesi tóraǵasy birinshi orynbasary Abaı Tasbýlatov alǵashqy partııany oınady.
Qazaqstanda shamamen 80 myńnan astam ardager bar dep sanalady. Toǵyzqumalaqpen aınalysatyn qazaqstandyqtar jalpy sany 200 myńnan asqan. Álemniń 50-den astam elinde qazaqtyń ulttyq oıyny – toǵyzqumalaqty kásibı deńgeıde oınaıtyn sportshylar tirkelgen.
Aıta keteıik, Muhtar Áýezovtiń 1950 jyly toǵyzqumalaq oınap otyrǵan sýreti tabyldy.