Bıyl elordada kúres túrlerinen eresekter arasyndaǵy álem chempıonaty ótedi, dep habarlaıdy Egemen.kz.
Bul – Qazaqstannyń halyqaralyq sport arenasyndaǵy bedeli men iri jarystardy joǵary deńgeıde uıymdastyrý áleýetin aıqyndaıtyn mańyzdy sheshim.
Olımpıada baǵdarlamasyna engen kúres túrlerinen álem chempıonatyn elimizde ótkizý týraly sheshimdi halyqaralyq Birikken kúres álemi (UWW) uıymy qabyldady. UWW ókilderi Qazaqstanǵa birneshe márte arnaıy kelip, eldegi sport ınfraqurylymynyń halyqaralyq talaptarǵa sáıkestigin, iri sporttyq is-sharalardy uıymdastyrý tájirıbesin jáne daıyndyq deńgeıin jan-jaqty baǵalady. Nátıjesinde uıym Qazaqstannyń álemdik deńgeıdegi jarysty joǵary deńgeıde ótkizý múmkindigine kóz jetkizip, álem chempıonatyn qabyldaý quqyǵyn elimizge senip tapsyrdy.
Azııa chempıonatyna Qazaqstan quramasyn Rızabek Aıtmuhan bastap baradySondaı-aq byltyr Birikken kúres álemi halyqaralyq federasııasynyń prezıdenti Nenad Lalovıch Qazaqstanǵa resmı saparmen kelip, elordadaǵy sport nysandaryn aralaǵan edi. Sapar barysynda ol Astanadaǵy sport keshenderiniń halyqaralyq deńgeıdegi iri jarystardy ótkizýge tolyq áleýeti bar ekenin atap ótken-di.Jalpy kúres túrlerinen álem chempıonatyn ótkizý – otandyq sport salasy úshin úlken jetistik. Bul aıtýly doda Qazaqstandaǵy kúres sportyn odan ári damytýǵa, jas býynnyń sportqa qyzyǵýshylyǵyn arttyrýǵa jáne halyqaralyq deńgeıdegi tájirıbeni keńeıtýge jańa serpin beredi.
Erkin kúres sheberleri Bishkekte qos qolany qanaǵat tuttySonymen qatar álem chempıonaty Qazaqstannyń sport salasyndaǵy áleýetin jahandyq deńgeıde tanytýǵa, halyqaralyq yntymaqtastyqty nyǵaıtýǵa jáne elimizdiń jaǵymdy ımıdjin kúsheıtýge yqpal etedi.Álemdik deńgeıdegi bedeldi doda 24 qazan men 1 qarasha aralyǵynda uıymdastyrylady. Jahannyń úzdik palýandary bas qosatyn baıraqty báseke elordadaǵy «Barys Arena» sport kesheninde ótedi.
Aıta keteıik, Azııa chempıonatyna Qazaqstan quramasyn Rızabek Aıtmuhan bastap barady.