TikTok pen YouTube balalar úshin jetkilikti deńgeıde qaýipti dep tanyldy. Sebebi bul platformalar eleýli ózgerister engizýden bas tartqan. Bul týraly Ulybrıtanııanyń baılanys retteýshisi Ofcom esebine silteme jasap málimdedi, dep jazady Egemen.kz.
Buǵan deıin Ofcom bes iri áleýmettik jelige — Meta (Facebook, Instagram), Roblox, Snap (Snapchat), TikTok jáne YouTube-qa sáýir aıyna deıin balalar qaýipsizdigin qamtamasyz etý sharalaryn qabyldaýdy talap etken.
TikTok pen YouTube qaýipsizdigi jetkiliksiz platformalar dep ataldy, óıtkeni olardyń algorıtmderi áli de balalarǵa zııandy kontent usynýdy jalǵastyryp keledi. Al Meta, Roblox jáne Snap jańa qorǵanys quraldaryn engizýge kelisken.
TikTok-qa telmirgen tolqyn: Balalar qansha ýaqytyn áleýmettik jelide ótkizedi?
Esepke engizilgen saýalnamaǵa sáıkes, 11–17 jas aralyǵyndaǵy jasóspirimderdiń 10-ynyń 7-eýi ózderiniń yqtımal zııandy nemese qorqynyshty kontentke tap bolǵanyn aıtqan. Osyndaı kontent kórgen balalardyń tek 15%-y ǵana bul týraly eresekterge habarlaıdy.
Saýalnamaǵa qatysqandardyń 51%-y jasyn rastaý úshin foto, jeke kýálik nemese pasport suralǵanyn málimdegen.
Jambyl oblysynda áıel TikTok-taǵy balaǵat sózderi úshin sottaldy
Aıta keteıik, Shymkentte sabaq úlgerimin jaqsartqysy kelgen stýdentter alaıaqtarǵa aldanyp qalǵan.