Keshe Qostanaı oblysyndaǵy gastroldik sapary aıasynda Qurmanǵazy atyndaǵy Qazaq ulttyq halyq aspaptar orkestri Lısakov qalasyndaǵy mádenıet saraıynda óner kórsetti. Konsert Qazaqstan Respýblıkasy Mádenıet jáne aqparat mınıstrligi men jergilikti atqarýshy organdardyń qoldaýymen uıymdastyryldy, dep habarlaıdy Egemen.kz
«Halyq áýeni» konserttik-gastroldik jobasy aıasyndaǵy rýhanı keshte kórermender qazaqtyń dástúrli kúı óneriniń úzdik týyndylaryn tyńdap, ulttyq mýzyka mádenıetiniń tereń mazmunymen qaýyshty.
Konsert baǵdarlamasynda Qurmanǵazy Saǵyrbaıuly, Táttimbet Qazanǵapuly, Dáýletkereı Shyǵaıuly, Yqylas Dúkenuly, Dına Nurpeıisova syndy uly kúıshilerdiń jaýhar shyǵarmalary, halyq ánderi, Shámshi Qaldaıaqov týyndylary jáne álemdik klassıkalyq shyǵarmalar oryndaldy.
Orkestrdiń kásibı oryndaý sheberligi, sahnalyq mádenıeti men ulttyq naqyshqa baı repertýary kórermenniń ystyq yqylasyna ıe boldy.
Kesh barysynda Qazaqstannyń eńbek sińirgen qaıratkeri, «Parasat» ordeniniń ıegeri Jeńis Ysqaqova arnaıy óner kórsetti.
«Halyq áýeni» jobasy Lısakov qalasynyń turǵyndaryna ulttyq ónerdiń taǵylymy men rýhanı qundylyqtaryn nasıhattaıtyn mazmundy mádenı kesh syılady.