Bıylǵy jyldyń birinshi toqsanynda Qazaqstanda joǵary bilim berý qyzmetteriniń baǵasy aıtarlyqtaı ósti. Ulttyq statıstıka bıýrosynyń málimetinshe, oqý aqysy ótken jyldyń sáıkes kezeńimen salystyrǵanda orta eseppen 10,8%-ǵa joǵarylaǵan, dep habarlaıdy Egemen.kz.
Respýblıka boıynsha ortasha kórsetkish 110,8% bolǵanymen, keı óńirlerde baǵanyń ósýi budan áldeqaıda joǵary:
Atyraý oblysynda – 36,3%; Túrkistan oblysynda – 19,6%; Mańǵystaý oblysynda – 15,4%; Shymkentte – 15,2%; Astanada – 15%-ǵa qymbattady.Almaty qalasynda bilim berý qyzmetteri 9,4%-ǵa ósse, Almaty oblysynda baǵa múldem ózgermegen. Eń tómengi ósim Qostanaı (1,8%), Aqtóbe (5%) jáne Ulytaý (5,9%) oblystarynda tirkelgen.
San emes, sapa mańyzdy: Toqaev sheteldik JOO-na bólinetin memlekettik grant qunyn qaıta pysyqtaýdy tapsyrdy
Oqý aqysynyń mólsheri: 500 myńnan 7,6 mıllıon teńgege deıinBúginde elordalyq jáne almatylyq joǵary oqý oryndaryndaǵy oqý aqysy óńirlermen salystyrǵanda áldeqaıda joǵary. Almatyda jyldyq oqý aqysy mamandyq pen JOO mártebesine qaraı 500 myńnan 7,6 mln teńgege deıin jetse, óńirlerde bul kórsetkish 450 myń men 2,4 mln teńge aralyǵynda aýytqıdy.
Bir qyzyǵy, baǵanyń ósýi aqyly negizde oqýǵa túsýshilerdiń sanyn azaıtqan joq. Finprom málimetinshe, 2025-2026 oqý jylynda kommersııalyq bólimge 130,8 myń stýdent qabyldandy, bul ótken jylmen salystyrǵanda 27,6%-ǵa artyq.
Ulttyq reıtıngke ilikpegen ýnıversıtetter qarjylandyrýdan qaǵylady
О́tken jyly joǵary oqý oryndary kórsetken qyzmetterdiń jalpy kólemi 807,8 mlrd teńgeni qurady. Onyń 61%-y nemese 493,1 mlrd teńgesi Almaty men Astana qalalarynyń úlesinde. Bul megapolıster men óńirler arasyndaǵy bilim sapasy men qarjylyq múmkindikterdiń alshaqtyǵyn taǵy bir márte dáleldeıdi. Máselen, Almatydaǵy qyzmet kólemi 310,6 mlrd teńge bolsa, Mańǵystaý oblysynda bul kórsetkish nebári 4,3 mlrd teńgeni quraǵan.