Elordadaǵy stomatologııalyq klınıkalardyń birinde em qabyldap jatqan 20 jastaǵy qala turǵyny qaıtys boldy. Qazirgi tańda atalǵan fakti boıynsha sotqa deıingi tergeý amaldary júrip jatyr, dep habarlaıdy Egemen.kz.
Polısııanyń málimetinshe, jas jigittiń ólimine qatysty keshendi tergeý sharalary taǵaıyndalǵan.
«Tıisti saraptamalardyń qorytyndysy boıynsha prosessýaldyq sheshim qabyldanatyn bolady», delingen PD taratqan resmı habarlamada.
Marqumnyń týystarynyń aıtýynsha, qaıǵyly jaǵdaı elordalyq Tem Dent emhanasynda bolǵan. Murat Esbolǵan esimdi azamat tisin emdetýge kelgen kezde, dárigerler allergııalyq synama (allergoproba) jasamaı-aq preparat salǵan. Sodan keıin jigittiń denesi tyrysyp, jaǵdaıy kúrt nasharlaǵan.
Esterińizge sala keteıik, ótken jyldyń kúzinde Astanadaǵy jeke stomatologııada 18 tisi birden emdelgen úsh jasar qyz narkozdan keıin oıanbaı kóz jumǵan edi.