Sınoptıkter 3 mamyr kúni el aýmaǵynda qolaısyz aýa raıy bolatynyn eskertti. «Qazgıdromet» respýblıka aýmaǵy boıynsha eskertý jarııalap, turǵyndardy saq bolýǵa shaqyrady, dep habarlaıdy Egemen.kz.
Almatyda kúnniń sońynda nóser jańbyr jaýyp, kúndiz naızaǵaı oınaıdy. Jeldiń ekpini 15-18 m/s-qa deıin jetedi. Taýly aımaqtarynda (Medeý jáne Bostandyq aýdandary) jańbyr men burshaq jaýyp daýyl soǵyp, jeldiń jyldamdyǵy 25 m/s-qa deıin kúsheıýi múmkin.
Shymkentte keı ýaqyttarda jańbyr jaýyp, naızaǵaı oınaıdy jáne daýyl turady. Jeldiń ekpini 15-20 m/s-qa deıin jetedi.
Almaty oblysynda kúndiz batysta, ońtústikte jáne taýly aımaqtarda nóser jańbyr, burshaq, daýyl kútiledi. Jeldiń ekpini 25 m/s-qa deıin kúsheıedi. Qonaev qalasynda kúndiz naızaǵaı oınap, jeldiń ekpini 15-20 m/s bolady.
Túrkistan oblysynda jańbyr, naızaǵaı, daýyl, keı jerlerde kúshti jańbyr men burshaq kútiledi.
Jambyl oblysynda jańbyr, naızaǵaı, burshaq jáne daýyl boljanǵan. Tarazda keı ýaqyttarda burshaq jaýýy yqtımal.
Qyzylorda oblysynda naızaǵaı, daýyl jáne shańdy daýyl kútiledi. Qyzylorda qalasynda kúndiz shańdy daýyl turady.
Mańǵystaý oblysynda (sonyń ishinde Aqtaýda) túnde jáne tańerteń tuman túsedi.
Batys Qazaqstan jáne Atyraý oblystarynda jańbyr men naızaǵaı kútiledi, keı jerlerde tuman túsýi múmkin.
Aqtóbe jáne Qostanaı oblystarynda kúndiz azdaǵan jańbyr jaýyp, naızaǵaı oınaıdy.
Aqmola, Soltústik Qazaqstan jáne Pavlodar oblystarynda túnde -1...-2 gradýsqa deıin úsik júredi. Soltústik aımaqtarda jeldiń ekpini 15-20 m/s-qa deıin kúsheıedi.
Qaraǵandy jáne Ulytaý oblystarynda jańbyr men naızaǵaı kútiledi. Sonymen qatar bul óńirlerde joǵary órt qaýpi saqtalady.
Abaı, Jetisý, Shyǵys Qazaqstan oblystarynda jaýyn-shashynsyz aýa raıy kútiledi, biraq jel kúsheıip, joǵary jáne tótenshe órt qaýpi saqtalady.