«Qazgıdromet» sınoptıkteri elorda men Kókshetaý qalasynda aýa sapasynyń nasharlaıtyny týraly resmı eskertý jarııalady, dep habarlaıdy Egemen.kz.
Búgin, 3 mamyrda elordada tańerteńnen beri jelsiz aýa raıy saqtalyp tur. Sonyń saldarynan qala ústin qoıý tútin men jeńil tuman basyp, atmosferanyń tómengi qabatynda zııandy zattardyń jınalyp qalýy baıqalady. Sondaı-aq aýada plastık janǵanǵa uqsas ótkir ıis seziledi.
Mundaı qolaısyz meteorologııalyq jaǵdaıda mamandar turǵyndarǵa kelesi saqtyq sharalaryn saqtaýdy usynady:
Dalada serýendeý ýaqytyn barynsha qysqartý; Páterler men keńselerdegi terezelerdi ashpaý, jeldetýdi tek aýa tazarǵan kezde júrgizý; О́kpe, júrek-qantamyrlary jáne allergııalyq aýrýlary bar adamdarǵa qajetti dári-dármekterin ózimen birge alyp júrý.Sınoptıkterdiń málimetinshe, dál osyndaı jaǵdaı Kókshetaý qalasynda da qalyptasyp otyr. Mamandar jelsiz aýa raıy kezinde zııandy zattardyń taralýy baıaýlaıtynyn, sondyqtan saqtyq sharalaryn eleýsiz qaldyrmaý kerektigin eskertedi.
Eske sala keteıik, búgin sınoptıkter el aýmaǵynda qolaısyz aýa raıy bolatynyn eskertti.