Almaty qalasynyń turǵyny áleýmettik jelide jaǵa ustatarlyq jaǵdaımen bólisip, kópshiliktiń qyzý talqysyna sebep boldy. Onyń aıtýynsha, dámhanadan satyp alǵan samsanyń ishinen janýarlarǵa arnalǵan veterınarlyq chıp tabylǵan, dep habarlaıdy Egemen.kz.
Áıeldiń sózinshe, ol jaqyndarymen birge tanymal oryndardyń birinen samsa satyp alǵan. Alaıda taǵamdy jeý barysynda ishinen bógde zat shyǵyp, kóńilderin qaldyrǵan. Bul jaǵdaı jeli qoldanýshylary arasynda úlken alańdaýshylyq týǵyzdy.
Oqıǵaǵa baılanysty atalǵan tamaqtaný mekemesi resmı túsinikteme berip, arnaıy vıdeo jarııalady. Kásiporyn ókilderi tabylǵan zattyń rasymen de veterınarlyq chıp ekenin rastady. Mundaı qurylǵylar ádette aýyl sharýashylyǵy janýarlarynyń vaksınasııasy men kútim tarıhyn baqylaý úshin qoldanylady.
Degenmen, mekeme ókilderi bul chıptiń daıyn taǵam ishine qalaı túsip ketkenin naqty túsindire almady. Sondaı-aq tutynýshy bul metall zatty baıqamaı jutyp qoıǵan jaǵdaıda densaýlyqqa qandaı qaýip tónetini týraly aqparat ta aıtylmady.