Oqý-aǵartý mınıstri Juldyz Súleımenova pedagogterdiń bilimin baǵalaý júıesine qatysty qabyldanǵan jańa sheshimder boıynsha túsinikteme berdi. Mınıstrdiń aıtýynsha, muǵalimderdiń quqyqtary tolyq saqtalyp, qazirgi attestasııa úderisi boıynsha bastalǵan rásimder aıaqsyz qalmaıdy. Bul ózgerister 2026 jylǵy qańtarda engizilgen jańa erejelermen baılanysty, dep jazady Egemen.kz.
Mınıstrdiń málimetinshe, bıyl attestasııaǵa qatysqan pedagogterdiń barlyǵy óz rásimderin tolyq aıaqtaıdy. Iаǵnı, «PBB» testin tapsyryp, portfolıosyn júktegen muǵalimderdiń attestasııasy tolyq aıaqtalady.
Al test tapsyryp úlgergenimen, portfolıosyn júktemegen pedagogterge qosymsha múmkindik beriledi. Olarǵa qujattaryn tolyq júktep, attestasııany aıaqtaý úshin arnaıy merzim beriletini habarlanady.
Bilim salasyndaǵy ózgeris: Muǵalimder úshin avtorlyq baǵdarlama jazý talaby joıylady
Sonymen qatar, bıyl «PBB» testinen ótip, shekti ball jınaı almaǵan muǵalimderge qatysty da naqty sheshim qabyldandy. Olar úshin qaıta tirkeýden ótý talap etilmeıdi, al sáýir aıynda josparlanǵan test tapsyrý múmkindigi joıylǵan. Bul sanattaǵy pedagogterge tólengen qarajat tolyq qaıtarylady.
Pedagogterge arnalǵan baıqaý jarııalandy: О́tinim qabyldaý qashan bastalady?
Mınıstrdiń aıtýynsha, atalǵan muǵalimder ózderiniń qazirgi biliktilik sanatyn saqtap qalady.
«Sizder jańa attestasııa kezeńine, ıaǵnı 2027 jylǵy qańtarǵa deıin óz kategorııalaryńyzdy saqtaısyzdar. Qańtar aıynda jańa erejeler engizemiz. Sol jańa qaǵıdattarmen birge jańa attestasııa prosesin bastaımyz», dedi Juldyz Súleımenova.
Osylaısha, bilim berý júıesinde attestasııa erejeleri jańartylǵanymen, pedagogterdiń quqyqtary men buryn berilgen sanattary ótpeli kezeńde saqtalady.
Prezıdent álemdegi eń úzdik pedagogterdiń qataryna engen almatylyq muǵalimdi quttyqtady