Premer-mınıstr Oljas Bektenov Memleket basshysynyń kólik-tranzıttik áleýetti arttyrý jónindegi tapsyrmalaryn oryndaý barysyna arnalǵan keńes ótkizdi. Jıynda salanyń qazirgi jaǵdaıy, ınfraqurylymdyq jobalar men sıfrlyq sheshimderdi engizý máseleleri qaraldy. Sondaı-aq tasymal kólemin arttyrý jáne tranzıttik baǵyttardy keńeıtý mindetteri talqylandy. Keńes barysynda Kólik mınıstri Nurlan Saýranbaev pen «Qazaqstan temir joly» UK» AQ basqarma tóraǵasy Talǵat Aldybergenov baıandama jasady, dep habarlaıdy Egemen.kz.
Kólik mınıstrliginiń deregine sáıkes, 2025 jyldyń qorytyndysynda kólik jáne qoımalaý salasyndaǵy jalpy ónim kólemi 12,2 trln teńgeni qurady. Al bıylǵy qańtar-naýryz aralyǵynda saladaǵy ósim 12,8% boldy.
О́tken jyly el ishinde avtokólikpen 353 mln tonna júk tasymaldandy. Sonymen qatar jalpy uzyndyǵy 2 myń shaqyrymdy quraıtyn tórt iri avtojol jobasy – «Qalbataý – Maıqapshaǵaı», «Taldyqorǵan – О́skemen», «Atyraý – Astrahan» jáne «Qaraǵandy – Almaty» baǵyttary aıaqtaldy.
Qazirgi ýaqytta «Aqtóbe – Qyzylorda», «Beıneý – Sekseýil», «Ortalyq – Batys», «Qaraǵandy – Jezqazǵan» jáne Saryaǵash aınalma joly sekildi baǵyttardy qamtıtyn tranzıttik dálizder damytylyp jatyr. Nátıjesinde jol jóndeý jumystarynyń jalpy kólemi 13 000 shaqyrymǵa deıin ulǵaıdy.
О́tkizý pýnktteri men temirjol tasymalyEAEO ishki shekaralaryndaǵy avtokólik ótkizý pýnktterin jańǵyrtý aıasynda ótken jyly 2 nysan aıaqtaldy. Qazirgi tańda 37 ótkizý pýnkti qurylys jáne jańǵyrtý jumystarymen qamtylǵan, olardy tolyq aıaqtaý 2027 jylǵa josparlanǵan.
Premer-mınıstr ótkizý pýnktterindegi jumystardyń baıaý júrip jatqanyn synǵa alyp, operasııalyq úderisterdi jedeldetýdi tapsyrdy.
Temirjol salasynda da oń dınamıka baıqalady. «Qazaqstan temir joly» deregine sáıkes, 2025 jyly tranzıttik tasymal kólemi 33 mln tonnaǵa jetip, 2024 jylmen salystyrǵanda 20% ósken. Tranzıttiń jalpy tasymaldaǵy úlesi 10% boldy.
2026 jylǵy qańtar-naýryz aralyǵynda tranzıttik tasymal taǵy 14% ósip, 8 mln tonnadan 9 mln tonnaǵa deıin artty, al konteınerlik tasymal 6% ulǵaıdy.
Oljas Bektenovke Alakóldi damytýdyń keshendi jospary tanystyryldy
Transkaspıı baǵyty jáne iri jobalarKeńeste Transkaspıı halyqaralyq kólik baǵytyn (THKB) damytý máselesi erekshe qaraldy. Bul baǵytta jetkizý merzimderin qysqartý, «Altynkól – Potı/Batýmı» jelisinde ótpeli tarıfter engizý jáne Ázerbaıjan men Grýzııamen sıfrlyq júıelerdi biriktirý jumystary júrgizilip jatyr.
Qazirgi tańda jalpy uzyndyǵy 3,9 myń shaqyrym temirjolda iri ınfraqurylymdyq jobalar iske asyrylyp otyr. Olardyń qatarynda «Moıynty – Qyzyljar», «Baqty – Aıagóz» jelileriniń qurylysy, sondaı-aq «Altynkól – Jetigen», «Shalqar – Beıneý», «Beıneý – Mańǵystaý» ýchaskelerin jańǵyrtý bar.
Alaıda Úkimet basshysy «Baqty – Aıagóz» jobasy boıynsha tehnıka men jumys kúshi jetkiliksiz jumyldyrylǵanyn atap ótip, tıisti sharalar qabyldaýdy tapsyrdy.
Sonymen qatar memleketaralyq túıisý pýnktteriniń ótkizý qabiletin jylyna 100 mln tonnaǵa deıin arttyrý qajettigi aıtyldy. Bul halyqaralyq tasymaldy jeńildetýge jáne tranzıttik aǵyndy kúsheıtýge múmkindik beredi.
Porttar men teńiz logıstıkasyTeńiz ınfraqurylymyn damytý aıasynda Aqtaý jáne Quryq porttarynyń áleýetin arttyrý jumystary jalǵasyp jatyr. Bıyl Aqtaý portynda 1,3 mln tekshe metrge deıin túp tereńdetý jumystary josparlanǵan.
Sonymen birge «Aqtaý – Baký» baǵytyna arnalǵan 6 konteıner tasymaldaýshy kemeni satyp alý rásimderiniń keshigýi synǵa alyndy. Premer-mınıstr bul baǵyttaǵy jumystardy jedeldetýdi tapsyrdy.
Oljas Bektenov temirjol vokzaldaryn jańǵyrtý qarqynynyń tómen ekenin atap ótip, bıyl barlyq qurylys-montaj jumystaryn tolyq aıaqtaýdy mindettedi.
Jalpy, keńes qorytyndysynda Úkimet kólik-tranzıttik júıeni keshendi damytý, ınfraqurylymdy jańartý jáne halyqaralyq baǵyttardaǵy básekege qabilettilikti arttyrýǵa basymdyq berip otyrǵany atap ótildi.
Abaı oblysynyń áleýeti: Oljas Bektenov Prezıdent tapsyrmasynyń oryndalý barysyn tekserdi