Shyǵys Qazaqstanda otbasylyq-dárigerlik ambýlatorııalar zamanaýı medısınalyq jabdyqpen jaraqtandyrylýda, dep habarlady ShQO Aqparat ortalyǵy.
«ShQO-da 2017 jyly 170-ten astam feldsherlik-akýsherııalyq pýnkt pen otbasylyq-dárigerlik ambýlatorııany 1,5 mlrd teńgege jýyq somaǵa medısınalyq jabdyqpen jıyntyqtaýdy aıaqtaý josparlanyp otyr. Alǵashqy medısınalyq kómek jedel ári sapaly túrde kórsetilýi tıis. Alaıda, shalǵaıdaǵy keıbir eldi mekenderde qajetti jabdyq joq», - delingen habarlamada.
ODA medısınalyq jaraqtandyrylýy sapa kórsetkishteri boıynsha ortasha respýblıkalyq deńgeıden joǵary bolady. Alaıda, osy rette medısına qyzmetkerleriniń biliktilik dárejesin qaıta qaraý jáne árbir medısınalyq mekeme úshin qajetti jabdyq tizimin qurastyrý qajet.
Ákimdikte alǵashqy kómek ornynda kórsetilýi tıis ekeni atap ótildi, ol úshin 1,5 mlrd teńge bólindi. Eldi meken neǵurlym shalǵaı ornalassa, onyń ODA-syn zamanaýı medısınalyq jabdyqpen soǵurlym jaqsy jaraqtandyratyn bolamyz.
Aǵymdaǵy jyly 29 dárigerlik ambýlatorııada, 14 feldsherlik-akýsherııalyq jáne 17 medısınalyq pýnktterde jóndeý jumystary júrgizilgenin atap ótý qajet.