Pavlodar oblysynyń Baıqonys aýylynda 375 mln teńge somasyna as tuzy óndiriletin bolady, dep habarlady Kachır aýdanynyń ákimi Janat Shuǵaev Pavlodar oblysynyń ákimi Bolat Baqaýovtyń tóraǵalyǵymen ótken kóshpeli jıynda.
Qazirgi kezde 2016-2017 jyldary bul jobaǵa 375 mıllıon teńge quıýǵa ázir ınvestor bar. Ol as tuzyn óndirýge qajetti quny 75 mıllıon teńge turatyn qural-jabdyqtar satyp alýdy bastap ketti.
"Jer qoınaýyn paıdalaný boıynsha kelisimshart jasaý jumystary 24 aıdyń ishinde júrgizilýi tıis. Alaıda, ınvestor bul jumysty 12 aıdyń ishinde aıaqtaýdy josparlap otyr. Jobanyń bolashaǵy bar. 2017 jyly ınvestor tuz óndirýdi bastaıdy dep oılaımyn", - dep atap ótti ol.
Bolat Baqaýov ár tirek aýylda aýyl qurýshy kásiporyn bolýy kerek ekendigin atap ótti.