Eki qazaqstandyq qyz Bakýde ótken kúresten Golden Gran-Prıde qola júldege ıe boldy, dep habarlaıdy sports.kz.
Elmıra Syzdyqova Golden Gran-Prıdiń qola júldesin enshiledi. 69 kelige deıingi salmaqta «qola» úshin kúreste Syzdyqova ázerbaıjandyq Elıs Manolovany 7:3 esebimen jeńdi. Irikteý kezeńinde Elmıra túrkııalyq Bıýze Tosýnnan basym tústi, al shırek fınalda qytaılyq Szıao Vandy tize búktirdi. Alaıda, jartylaı fınalda AQSh sportshysy Tamıra Mensadan jeńilip qaldy. Al aqtyq saıysta japon qyzy Masako Fýrıchımen tiresken Tamıra Mensa «kúmis» júldeni qanaǵat tutty.
Odan bólek, qazaqstandyq sportshy Irına Kazıýlına 75 kelige deıingi salmaqta «qola» oljalady. Úshinshi oryn úshin aıqasta Irına reseılik Anjela Kataevany aıqyn basymdylyqpen - 5:0 esebimen jeńdi. Oǵan deıingi oıyndarda túrkııalyq Aısegıýl Ozbegeni, kanadalyq Lea Kellahandy jáne qytaılyq Sıandegenchagan Sıandegenchagandy jeńip shyqty.