Kýba úkimetiniń ókimimen el halqy kýbalyq revolıýsııa kóshbasshysy Fıdel Kastronyń qaıtys bolýyna baılanysty toǵyz kún boıy aza tutady, dep habarlady Frans Press agenttigi. Aza tutý senbide bastalyp, 4 jeltoqsan, jeksenbi kúni aıaqtalady, dep jazdy RIA Novostı.
Kýba revolıýsııasynyń kóshbasshysy juma kúni 90 jasynda jergilikti ýaqyt 22. 29-da ómirden ozdy. Bul týraly onyń inisi kýbalyq lıder Raýl Kastro memlekettik telearna arqyly jarııa etti.
Fıdel - kýbalyq revolıýsıoner, memlekettik jáne saıası qaıratker. 1926 jyly 13 tamyzda dúnıege kelgen. 1976 jyldyń jeltoqsan aıynan bastap, 30 jyl boıy Kýba Memlekettik keńesi men Mınıstrler keńesiniń tóraǵasy boldy. Sonymen birge, F.Kastro Revolıýsııalyq qarýly kúshterdiń bas qolbasshysy jáne Ulttyq qorǵanys keńesiniń tóraǵasy qyzmetin atqarǵan.
Ol 2006 jyly 31 shildede densaýlyǵynyń syr berýine baılanysty óz mindetin — Memlekettik keńes pen Mınıstrler keńesiniń basshysy qyzmetin inisi Raýl Kastroǵa tapsyrdy.