Almatyda Qazaqstan aımaqtarynan kelgen otandyq aýylsharýashylyq taýaryn óndirýshilerdiń keńeıtilgen jármeńke naýqany aıaqtaldy, dep habarlady qala ákimdiginiń baspasóz qyzmeti.
2016 jyldyń basynan beri Almaty, Jambyl, Ońtústik Qazaqstan, Shyǵys Qazaqstan oblystarynyń 10 keńeıtilgen jármeńkesi ótti. Aımaqtar jalpy quny 1,2 mıllıard teńge bolatyn et, jemis-jıdek, kókónis, sút ónimderin jetkizdi. Ondaǵy azyq-túlik baǵasy ortasha naryq baǵasynan 15-20% arzan bolǵanyn atap ótken jón.
Odan bólek, aımaqaralyq kooperasııa aıasynda 2016 jyldyń basynan beri Almaty qalasy 8 oblyspen (ShQO, BQO, OQO, Qaraǵandy, Pavlodar, Aqtóbe, Almaty, Jambyl oblystary) 10 kezdesý ótkizdi. Kezdesýlerdiń nátıjesinde Qazaqstan oblystarynyń 30-dan astam taýar óndirýshileri Almatynyń 6 saýda jelisimen (Small, Carrefour, Magným, Galmart, Metro, Bekker ı K) kelisimge qol qoıdy. Bul kezdesýler ımportty almastyrýǵa, ónimdi tikeleı jetkizý arqyly azyq-túlik taýarlarynyń baǵasyn tómendetýge múmkindik berdi.