Qurlyqtyq hokkeı lıgasynyń turaqty chempıonatynda Astananyń «Barysy» óz aıdynynda «Amýr» komandasyn qabyldap, 2:1 esebimen basym tústi.
Matchtyń alǵashqy kezeńinde barynsha shabýylǵa kóńil bólgen aıdyn ıeleri 8-mınýtta esep ashty. Naıdjel Doýs baǵyttaǵan soqqy kózdegen jerden dál tabyldy. Bul tusta «Barystyń» oıynshy basymdyǵyna ıe bolǵanyn aıta ketken jón.
Kezdesýdiń ekinshi kezeńinde qos komanda qaýipti shabýyldar uıymdastyrǵanmen, gol soǵylmady.
Sońǵy 20 mınýtta qonaqtardyń belsendiligi baıqaldy. Oıynnyń aıaqtalýyna 8 mınýt qalǵanda Teemý Ramstedt mergendigimen kózge túsip, esepti teńestirip ketti. Negizgi ýaqyttyń sońyna deıin osy esep saqtalyp, jeńimpaz overtaım arqyly anyqtaldy. Bul synda Edýard Zankoves shákirtteriniń biri Vladımır Merkelov jeńis shaıbasyn soqty.
Osylaısha, 33 oıynnan keıin 47 upaıy bar «Barys» «Shyǵys» konferensııasynda 8-orynǵa qaıta kóterildi. Kelesi kezdesýin 30 qarasha kúni Máskeýde jergilikti «Dınamo» komandasymen ótkizedi.