Jańa…

...eskertkish ashyldy Kenshiler shahary – Shahtınskide budan bylaı qaraı da­nyshpan oıshyl Abaı músini or­ta­lyq alańda eńselenip tura­tyn boldy. Ol Shahterler kú­nin­de ashyldy. Onymen irgeles Abaı qalasynda da uly aqyn­nyń jańadan ásemdelgen eskertkishi sonyń aldynda boı kótergen edi. Aımaqta halyqtyń aıtýly tulǵalaryn este tutý qasterli paryz sanalady. Taıaý arada Qa­ra­ǵandyda Qaz daýysty Qazy­bek bı men Qanysh Sátbaev eskertkishteri ornatylǵaly tur. Aıqyn NESIPBAI, Qaraǵandy.   ...bastaýysh mektep oqýshylardy qabyldady Qyzylqoǵa aýdanyndaǵy sha­ǵyn aýyldyń biri – Jamansor. Atyraý – Aqtóbe baǵytyndaǵy temir jol boıynan oryn tepken bul aýylda 87 otbasy turǵan­men, olardyń balalary bilim alatyn mektep joq bolatyn. Sol sebepten aýyl balalary Maqat aýdanynyń Dossor kentindegi mektepterge qatynap oqı­tyn edi. Endi bul aýyl ba­lalary sol qıyndyqtan quty­lyp, eldi mekende ashylǵan bas­taýysh mektepte oqýǵa múm­kindik aldy. – Oblys ákiminiń qoldaýy­men 60 oryndyq bastaýysh mektep qurylysyna 37 mıllıon teńge bólingen edi, – dedi aýdan ákimi Berikqalı Sársenǵalıev Jamansor aýylynda paıda­la­ný­ǵa berilgen bilim ordasynyń ashylý saltanatynda. Shaǵyn bolsa da jańa bas­taýysh mekteptiń ashylýymen 22 oqýshy partaǵa otyrdy. Bu­lar­dan ózge mektepaldy daı­yn­dyq tobyna 28 bala, al shaǵyn ortalyqqa 12 baldyrǵan qa­byl­dandy. Mektepte 7 muǵalim jumys jasaı bastady. Joldasbek ShО́PEǴUL, Atyraý oblysy.   ...sot ǵımaratyna aınaldy Taıynsha aýdandyq sotynyń ábden tozyǵy jetken burynǵy ǵımaratyna kúrdeli jóndeý júr­gizilip, ishi-syrty adam ta­nymastaı ózgerip shyǵa keldi. Sýdıalar jaıly bólmelerge ornalasty. Jańa ǵımarattyń ashylý rásimine oblystyq sot­tyń tóraǵasy N.Ábdiqanov pen aýdan ákimi A.Makovskıı qa­tysyp, sýdıalardyń qýany­shy­na ortaqtasty. Nurǵazy Áben­uly bıyl Shal aqyn, Ýálı­ha­nov, Mamlıýt aýdandaryndaǵy sot mekemeleri qalpyna keltirilip, oblys ortalyǵyndaǵy ádi­let úıi jańartylǵanyn, mundaı sharalar alda da jalǵasa beretinin jetkizdi. N.Ábdiqanov Kellerov kentinde ornalasqan №2 sotynda bolyp, aryz-shaǵym aıta kelgen adamdardy qabyldady. О́mir ESQALI, Soltústik Qazaqstan oblysy.