Áleýmettiń áleýeti basty nazarda

Otyrysty ashqan Gúlshara Naýshaqyzy búginde elimizde Mem­leket basshysy Nursultan Nazarbaev­tyń bastamasy boıyn­sha Qazaq­stan­nyń úshinshi jań­ǵy­rýy iske asy­rylyp jatqanyn atap ótti. Ol – saıası reforma, eko­nomıkalyq jań­ǵyrý jáne qo­ǵamdyq sanany jań­ǵyrtý.  «Elbasy bıyl úsh birdeı tarı­hı jańǵyrýlarǵa jol ashty. Bi­rinshiden, Prezıdent konstıtý­sııa­lyq reforma arqyly memlekettiń saıası jańǵyrýyn qolǵa aldy. Ekin­shiden, Memleket basshysy eli­mizdi tehnologııalyq damýdyń jańa deńgeıine shyǵaratyn Qazaq­stan­nyń úshinshi jańǵyrýyn aı­qyn­dady. Úshinshiden, bilim, ǵylym, mádenıet jáne tarıhty tutastaı qamtıtyn ulttyq rýhanı jańǵyrý baǵdarlamasyn usyndy. Osy baǵyttardy iske asyrý arqyly biz Qazaqstannyń álemniń eń ozyq 30 eliniń qa­taryna enýine múmkindik alamyz. Búgingi kún tártibi aıasynda biz qoǵamnyń irgetasy bolyp sanalatyn otbasy, ana men balany memleket tarapynan qoldaý jumystary qalaı júrgizilip jat­qanyn qarastyramyz», – dedi  G.Áb­diqalyqova. Memlekettik hatshynyń pa­ıymynsha, bul mindetterdi júzege asyrýdaǵy basty shart – qo­ǵamdyq sanasy bıik, salamatty ári bilimdi ult qalyptastyrý. Al adamdardyń boıyna rýhanı qundylyqtardy qalyptastyrýda aıqyndaýshy ról otbasy ınstıtýtyna tıesili bolǵandyqtan, otbasy memlekettiń negizi retinde aıryqsha nazardy jáne qamqorlyqty, azamattardyń ómir súrý sapasy men deńgeıin jaqsartýdy talap etetini anyq. Sondyqtan, otyrysta otbasyn, ana men balany, sondaı-aq, múmkindigi shekteýli balalary bar otbasylardy qoldaý jónindegi memlekettik sharalar kesheni týraly másele qaraldy. Mysaly, Eńbek jáne halyqty áleýmettik qorǵaý mınıstrliginiń aqparatyna súıensek, Qazaqstanda týýdy yntalandyrý men otba- synda balalardy tárbıeleýge járdemdesýge, kópbalaly ana­lardyń bedelin arttyrýǵa, múgedek balalar men olar­dyń otbasylaryna, buǵan qosa, áleý­mettik jaǵdaıy tómen shańy­raq­­tarǵa qolushyn sozyp, kó­mektesýge baǵyttalǵan memle­ket­tik jár­demaqylar men tólemder júıesi aıasyndaǵy balaly otbasyn qol­daýdyń ulttyq modeli ázirlengen.  Elbasynyń tapsyrmasy boıynsha, bıylǵy jyldyń 1 shildesinen bastap balanyń týýyna birjolǵy jár­demaqy mólsheri 20%-ǵa kóbeı­tiletin bolady. Buǵan qosa, 2018 jyldyń 1 qańtarynan bas­tap, eń tómengi kúnkóris mólsheri qaıta qaralmaq. Bul 3 mln azamat úshin bazalyq zeınetaqylardyń, múgedekterge, asyraýshylarynan aıyrylǵan otbasylaryna arnalǵan járdemaqylardyń, múgedek balalardy tárbıeleýshilerge arnal­ǵan ataýly kómek pen járdem­aqy­lardyń mólsherlerin arttyrýǵa múmkindik bermek. Jıynda sondaı-aq, halyqtyń jalpy habardarlyǵyn arttyrý jáne balalardy barlyq zor­lyq-zombylyqtan, BAQ-tar men áleýmettik jeliler jáne áleý­mettik jarnama arqyly zııandy aqparattan qorǵaý jónindegi memlekettik sharalar týraly má­selege de nazar aýdaryldy. Osy oraıda, Bilim jáne ǵy­lym, Aqparat jáne kommýnıka­sııalar mınıstrlikteriniń aqparaty boıynsha, zańnamaǵa balalardyń densaýlyǵyna, olardyń adamgershiligi men rýhanı damýyna zııan keltiretin aqparattan qorǵaýǵa baǵyttalǵan jańa normalardy «balanyń jasyna sáıkes keletin aqparat» uǵymyn, sonymen birge, bilim uıymdary men baılanys operatorlaryna ınternet-trafıkti súzgileý qyz­metin kórsetýdi usyný jónindegi ta­laptardy bekitý jolymen en­gizý jóninde jumys júrgizilip ja­tyr eken.  Otyrys qorytyndysyna sáıkes, Gúlshara Ábdiqalyqova kó­te­rilgen, talqyǵa salynǵan máse­le­ler boıynsha memlekettik organ­darǵa birqatar tapsyrma berdi.

Láıla EDILQYZY, «Egemen Qazaqstan»