Shvesarııanyń IMD bıznes mektebiniń jasaǵan reıtınginde Qazaqstan byltyrǵy 47-shi orynnan bıyl 32-shi orynǵa bir-aq kóterildi.
Tizimdi jasaý barysynda 4 kategorııa boıynsha 20 parametr esepke alynady. Qazaqstan osy kórsetkishterdiń barlyǵynda alǵa jyljyǵan. Atap aıtar bolsaq, tórt kategorııa qatarynda ekonomıka kórsetkishi, úkimettiń tıimdiligi, bıznes pen ınfraqurylymnyń tıimdiligi bar.
Al jekelegen parametrler 323 kórsetkish boıynsha esepteledi. Sonyń ishinde álemdik IJО́-ge úlesi, janarmaı baǵasy, kapıtal qunymen salystyrǵanda salyq deńgeıi, memlekettik saıasat ashyqtyǵy men sheteldik ıdeıalarǵa ulttyq mádenıettiń ashyqtyǵy.
Aıta keteıik, reıtgte Reseı 46-shy orynnan kórinse, Ýkraına 60-shy orynǵa syrǵydy.
Qazaqstannyń ilgeri jyljýyna áser etken birden bir faktor “memlekettik qarjy” salasyndaǵy oń ózgerister. Bul kórsetkish boıynsha Qazaqstan 51-shi orynnan 4-shi orynǵa bir-aq kóterildi. “Ishki ekonomıka” kórsetkishinen 40-shy orynda.
Al tizimniń kósh basynda ekinshi jyl qatarynan Gonkong ornalasqan. Odan keıin Shveısarııa men Sıngapýr. Tórtinshi orynda AQSh. Besinshi oryn Nıderlandyǵa tıesili.
Baýyrjan Muqanov,
"Egemen Qazaqstan"