«Halyqaralyq balalardy qorǵaý kúnin keń merekeleý jyl saıyn jalǵasyp kele jatqan dástúrimiz desek bolady. Merekeleý qarsańynda túrli jaǵdaılar oryn alyp jatady. Bul rette Ishki ister mınıstrliginiń Tótenshe jaǵdaılar komıteti qaýipsizdik sharalaryn qolǵa alyp jatyr», - dedi ol.
Sonymen qatar, ol komıtet tarapynan atqarylyp jatqan birqatar isterdi atap, «ata-analar úshin jarnamalar taratylatynyn, túrli jıyndar bolatynyn, áleýmettik jeliler arqyly nusqaýlyqtar taratylatynyn, balalar úshin ınteraktıvti sabaqtar ótkiziletindigin, ártúrli ekskýrsııa uıymdastyrylatynyn, ashyq esik kúnderi jumys jasaıtynyn tilge tıek etti.
Spıkerdiń sózinshe balanyń bas amandyǵyna eń birinshi onyń ata-anasy jaýapkershilikpen qaraǵan jón.
«Qansha jerden saqtyq sharalaryn iske asyrǵanymyzben balalardyń qatysýymen túrli tótenshe jaǵdaılar oryn alyp jatqany ókinishti. Statıstıkalyq sandarǵa júginetin bolsaq, bıyl Respýblıka boıynsha 52 adamnyń ishinen 27 bala sýǵa batyp ketken. Bundaı jaǵdaılar kóbinese azamattar men ata-analardyń óz balalaryna salǵyrt qaraý sebebinen týyndaıdy», - degen Tótenshe jaǵdaılar komıtetiniń resmı ókili balalardy únemi qorǵap júrýge shaqyrdy.