Halyqaralyq balalardy qorǵaý kúni oblys ortalyǵyndaǵy Máshhúr Júsip ortalyq meshitiniń áıel ustazdary men dinı saýattylyq kýrsynyń shákirtteri qaladaǵy aýrýhanalarda emdelip jatqan múgedek balalarǵa baryp qaıtty.
Meshit ustazdary men shákirt qyz-kelinshekter balalarǵa jyly tilekterin aıtyp, olarǵa oıynshyqtar men oı-órisin damytýǵa arnalǵan túrli oıynshyqtar syılady. Syılyqtar men jemister, shyryn men táttiler úlestirdi. Meshittegi áıelder qaýymy bóliminiń jetekshisi Qarlyǵash Qajymálikqyzynyń aıtýynsha, qazirgi kezde dıspanserde 37 bala emdelýde. Olardyń kóbi áleýmettik turmysy tómen otbasylardan, sondyqtan qamqorlyqqa muqtaj. «Árıne, aýrý balalardy kórý ońaı emes. Biraq biz olarǵa baryp, kóńil bólip, jylýlyǵymyzdy aıamaýymyz qajet. Jyly sóz dertke daýa. Alla Taǵala ár otbasy baqytty, bereke ákelsin, - deıdi Qarlyǵash ustaz.
Farıda Byqaı,
«Egemen Qazaqstan»
Pavlodar.
Sýretti túsirgen Amanataı Toıshybaı