Jeksenbi kúni túnde Ulybrıtanııanyń astanasynda bolǵan eki lańkestik shabýyl saldarynan kem degende 48 adam aýrýhanaǵa jetkizildi, dep habarlaıdy Londonnyń jedel járdem qyzmeti.
«Biz Londondaǵy bes aýrýhanaǵa 48 naýqasty jetkizdik jáne oqıǵa ornynda jeńil jaraqat alǵandarǵa medısınalyq kómek kórsettik», - delingen qyzmettiń Twitter-degi jazbasynda. Jeksenbi kúni túnde London ortalyǵynda eki lańkestik shabýyl jasaldy. London kópirinde shaǵyn avtobýs shamamen jıyrmadaı bir top júrginshini soǵyp ótken. Kýágerlerdiń aıtýynsha, kólikten úsh adam atyp shyǵyp, 30 santımetrden uzyndaý pyshaqtarymen mańaıdaǵylarǵa shabýyl jasaǵan. Bul Ulybrıtanııadaǵy sońǵy 2,5 aı ishindegi úshinshi terakti.