Bokstan Qazaqstan ulttyq quramasynyń bas bapkeri Myrzaǵalı Aıtjanov shákirti Vasılıı Levıt pen reseılik Evgenıı Tıshenkonyń qaı týrnırde judyryqtasýy múmkin ekenin aıtty. Bul týraly vesti.kz habarlady.
«Levıt pen Tıshenko Germanııada ótetin álem chempıonatynda kezdesýi múmkin. Jartylaı fınalda, bálkim aqtyq synda judyryqtasyp qalar», dedi Myrzaǵalı Aıtjanov.
Qos boksshynyń arasyndaǵy kezdesý Rıo-2016 Olımpıadasynyń basty oqıǵasy bolǵan edi. Tóreshiler upaı sany boıynsha jeńisti reseılik boksshyǵa bergen. Mundaı sheshim boks álemindegi kóptegen mamandardyń narazylyǵyn týdyrdy.
Aıta keteıik, bokstan álem birinshiligi Gambýrge tamyz aıynda ótedi. Levıt bul jarystyń joldamasyn jeńip alǵan bolatyn.