Onda sóz alǵan departament bastyǵynyń orynbasary polkovnık Batyrǵalı Sopbekov shomylý maýsymy bastalǵanyn aıtyp, ońtústikqazaqstandyqtardy saq bolýǵa shaqyrdy.
«Sý aıdyndarynda adamdardyń ólimin boldyrmaý maqsatynda, ásirese shomylý maýsymy kezeńinde, jedel-qutqarý jasaqtyń múmkindikteri maksımaldy túrde paıdalanýda. Búgingi kúni oblystyń sý aıdyndarynda qaýipsizdikte 90 jedel-qutqarý jasaǵymen qamtamasyz etilse, 22 avtokólik jáne qutqarý tehnıkasy, 30 sýdaǵy quraldary, 50 súńgýir jabdyqtary men qural-saımandary daıyndyqqa keltirilgen. Jalpy alǵanda, joǵaryda kórsetilgen qabyldanǵan is-sharalardyń arqasynda sýǵa batqandardyń sanyn jyl basynan beri 24% -ǵa tómendetýge qol jetkizdik. Aldyn alý jáne túsindirme jumystary shomylý maýsymynyń sońyna deıin jalǵasady»,-dedi Batyrǵalı Sopbekov.
Munan bólek, baspasóz konferensııasynda órt qaýipsizdigi boıynsha departament bastyǵynyń orynbasary azamattyq qorǵaý polkovnıgi Nurǵalı Júnisov málimdeme jasady.
Onyń aıtýynsha, dala alqaptaryndaǵy órtterdi sóndirý úshin jumyldyrylatyn barlyq kúshter men quraldarǵa jalpy 37 mln. 163 myń teńge qarjy bólingen. Al, oblys aýmaǵynda orman jáne dala órtterin der kezinde anyqtaý maqsatynda ǵarysh monıtorıngine jalpy 6,5 mln. teńge qarjy qaralyp, tıisti mekememen kelisimshart túzilgen.
«Orman-dala órtterin der kezinde sóndirý maqsatynda aýyl okrýgterinde jalpy 9281 adamdardan turatyn 825 erikti órt sóndirý qurylymdary quryldy. Búgingi kúni oblys aýmaǵynda respýblıkalyq jáne oblystyq mańyzy bar avtomobıl joldary, temirjol boıy men egis alqaptarynda órtke qarsy mıneraldy jolaq jyrtý jumystary júrgizilýde. Jolaqtardyń sapaly júrgizilýin qadaǵalý maqsatynda oblystan arnaıy komıssııa shyǵyp baqylaýda»,-dedi Nurǵalı Júnisov.
Sondaı-aq, baspasóz konferensııasynda oblystyq dene shynyqtyrý jáne sport basqarmasy basshysynyń orynbasary A.Berdashov shomylý maýsymy qarsańynda «Qajymuqan» stadıonyndaǵy jabyq «Sý kompleksinde» sýda júzý boıynsha trenerlermen jáne qutqarýshylarmen 100-den asa jasóspirimderge jattyqtyratyn sabaqtar ótkizilgenin aıtty. Sonymen qatar, ol oblystaǵy aýdandar men qalalarda kóptegen is-sharalar uıymdastyrylǵanyn jetkizdi. Máselen, Sozaq aýdanyndaǵy «Shuǵyla» basseıninde 7 toptan turatyn 84 balaǵa úıirme jumys jasaıdy. Al, Kentaý qalasyndaǵy Mádenıet saraıynda 1000 stýdentter men oqýshylarǵa arnaıy trenerlerdiń qatysýymen sýdaǵy qaýipsizdik erejeleri boıynsha túsindirme jumystary uıymdastyryldy.
«Jalpy oblys boıynsha basseınde shuǵyldanatyn sportshylarynyń sany 507 adamdy quraıdy. Al densaýlyǵyn saýyqtyrý jáne júzýdi úırený maqsatynda 18 jastan 70 jasqa deıingi 500-ge jýyq azamat kúnine negizgi sabaqtardan tys ýaqytta shuǵyldanady», -dedi A.Berdashov.