Qol qoıylǵan qujat Qazaqstan qor bırjasy men Almaty qalasynyń óńirlik qarjy ortalyǵynyń ózara tıimdi, ári uzaq merzimge qoıan-qoltyq qyzmet etýine septesedi. Jáne bul mámile KASE ınternet-resýrsynda AО́QO RA aqparattyq jáne taldamalyq materıaldaryn jarııalaý arqyly, sondaı-aq, KASE tizimine kiretin kompanııalardyń nesıelik reıtıngteri týraly málimetterin jarııalaý arqyly júzege asyrylady.
«Qor naryǵyn damytý mańyzdy baǵyttardyń biri. Bul el eonomıkasynyń tıimdiligin arttyrýǵa yqpal etedi. Qazirdiń ózinde Qazaqstan qor bırjasy ámbebap qarjy alańyna aınalyp, naryqqa qatysýshylar saýda-sattyq alańynda jasalatyn táýekelderdiń túbi qaıyrly bolýyna múddeli. Qashyqtan berilgen reıtıngter boljamdy táýekelder týraly belgili bir túsiniktiń paıda bolýyna kómektesedi. Biraq endigi jerde ulttyq nesıelik reıtıngterdi jarııalap otyrý qazaqstandyq lıstıngilik kompanııalar úshin turaqty tájirıbege aınalyp, osy baǵytta ári qaraı jyljýǵa jol ashady», – dedi «Qazaqstan qor bırjasy» AQ basqarma tóraǵasynyń orynbasary Natalıa Horoshevskaıa.
О́z kezeginde «Almaty qalasynyń óńirlik qarjy ortalyǵynyń reıtıng agenttigi» AQ basqarmasynyń tóraıymy Aıgúl Tasbolat halyqaralyq shkalamen qatar, ulttyq shkala boıynsha reıtıngter berý – dúnıejúzi boıynsha ınvestorlardyń táýekelderin basqarý tıimdiligin arttyrýǵa kómektesetin jáne nesıelik táýekeldi baǵalaýdyń etalony bolyp tabylatyndyǵyn atap ótti.
Aınash ESALI, «Egemen Qazaqstan» ALMATY