Qazaqstan Respýblıkasyndaǵy Túrkııanyń Tótenshe jáne О́kiletti Elshisi Nevzat Ýıanyk qazaqstandyqtardy Elbasy Nursultan Nazarbaevtyń týǵan kúni jáne Astana kúnimen quttyqtady. Bul týraly elshiliktiń Feısbýktegi resmı paraqshasynda habarlandy.
«Qurmetti qazaqstandyqtar! Astana turǵyndaryn jáne barlyq qazaqstandyqtardy Túrki áleminiń aqsaqaly - Prezıdent Nursultan Nazarbaevtyń týǵan kúni jáne Astana kúnimen shyn júrekten quttyqtaımyn. Bıyl - EKSPO-2017 halyqaralyq kórmesine baılanysty Astana úshin erekshe jyl. EKSPO kórmesinde Túrkııanyń pavılony eń úlken jáne ádemi pavılondardyń biri. EKSPO ǵımarattarynyń qurylysyna qazaq baýyrlarymyzben birge túrik qurylysshylarynyń da sińirgen eńbegi orasan zor. Sonymen qatar, bıyl dıplomatııalyq qarym-qatynastarymyzdyń ornaǵanyna 25 jyl toldy. Astananyń kórkeıip, Qazaqstannyń halyqaralyq arenada abyroı-bedeliniń arta berýin tileımin. Astana kúni qutty bolsyn!» delingen Elshiniń quttyqtaý sózinde.