Taıynsha aýdanynda belgisiz bireýder zeınetkerdi tonaý maqsatymen qaraqshylyq shabýyl jasap, quryqtalǵan bolatyn.
Jýyrda qylmyskerlerge qatysty sot úkimi shyqty. 1975 jáne 1982 jyly týǵan Kellerovka aýylynyń aǵaıyndy turǵyndary óz qylmystaryn tolyq moıyndaǵanyna qaramastan 3 jyl 6 aıǵa bas bostandyqtarynan aırylyp, jazalaryn jalpy rejimdegi kolonııada óteıtin bolady.
Olardyń 37 jastaǵy sybaılasy kórineý jalǵan aqparat berip, qylmysqa qatystylyǵyn jasyrmaq bolǵan. Sóıtip, jaýapkershilikten jaltaryp ketýdiń qıtyrqy amaldaryn qarastyrǵan. Alaıda, sot barysynda qaraqshylyq shabýyl jasaýǵa onyń kóligi paıdalanylǵany bultartpas dáleldermen moınyna qoıyldy.
Sot ony Qylmystyq Kodekstiń 420 baby boıynsha /»Jalǵan kýálik etý»/ aıypty dep tanyp, 5 jyl bas bostandyǵynan aıyrý jazasyna kesti.
О́mir Esqalı,
«Egemen Qazaqstan».
Soltústik Qazaqstan oblysy.