Úkimet basshysy aldymen Qaraǵandydaǵy nan-toqash ónimderin shyǵaratyn zaýytqa, metallýrgııalyq kremnıı óndiretin zaýytqa baryp, osy kásiporyndardy tehnologııalyq jańǵyrtý jumystarymen tanysty. Sondaı-aq, «Tau-Ken Temir» JShS ǵımaratynda Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýy aıasynda Qazaqstannyń júıe quraýshy ónerkásiptik kásiporyndaryn tehnologııalyq jańǵyrtý máseleleri boıynsha keńes ótkizdi. Úkimet basshysy óz sózinde ónimdilikti ulǵaıtý men taýar sapasyn jaqsartýdan bólek, jumysshylardy bosatý úderisterine de erekshe kóńil bólý qajettigin aıtty. Osyǵan oraı, ákimdikter mamandardy keleshekte ekonomıkanyń ósýshi sektorlaryna baǵyttaý úshin aldyn ala jumystar júrgizý kerektigin qatań eskertti. Olardyń qatarynda servıstik qyzmetter kórsetý men qarapaıym zattar ekonomıkasyn damytý bar. Budan ózge, adamdar jańa tehnologııalar qoldanylatyn salalarǵa jumysqa ornalasqan kezde jańa daǵdylardy meńgerýi úshin qaıta oqytý jumystaryn júrgizý kerektigi de taqyryp ózegine aınaldy. «QazAtomО́nerkásip» UAK» AQ basqarma tóraǵasy A.Jumaǵalıev, «ERG» qadaǵalaý keńesiniń tóraǵasy A.Qaztaev, «ArselorMıttal TMD» AQ bas dırektory Kalon Paramjıt, «Qazaqmys» Korporasııasy» JShS basqarma tóraǵasy B.Qyryqpyshev, «Qazmyrysh» JShS atqarýshy dırektory N.Qýanyshev, «Qazfosfat» JShS bas dırektory M.Eskendirov, «Qaraǵandy keshendi qorytpalar zaýyty» JShS bas dırektory T.Maqaev jáne «Fıtohımııa» HǴО́H» AQ basqarma tóraǵasy S.Ádekenov kásiporyndardy jańǵyrtý týraly baıandady. Atalmysh keńeske sonymen qatar, memlekettik organdardyń, Qaraǵandy oblysy ákimdiginiń ókilderi, Aqtóbe, Shyǵys Qazaqstan, Mańǵystaý, Qostanaı, Jambyl, Pavlodar oblysynyń ákimderiniń orynbasarlary, «Samuryq-Qazyna» UÁQ» AQ, «Báıterek» UBH» AQ, «QTJ» AQ, «Atameken» UKP, Qazaqstannyń júıe quraýshy kásiporyndarynyń, sondaı-aq, Qaraǵandy oblysynyń ónerkásiptik kásiporyndarynyń ókilderi de qatysty. Máselelerdi talqylaý barysynda kompanııa ókilderiniń suraqtaryna Investısııalar jáne damý mınıstri J. Qasymbek, Energetıka mınıstri Q. Bozymbaev, Ulttyq ekonomıka mınıstri T. Súleımenov, sondaı-aq, Bilim jáne ǵylym mınıstri E.Saǵadıev túsiniktemeler berip otyrdy. Premer-Mınıstr jıynda Qaraǵandy oblysy ákimine tehnologııalyq jańǵyrtý úderisinde zaýyttarda qysqartylýy múmkin jumysshylardyń qaıta daıarlyǵy úshin derbes jaýapty ekenin eskertti. Elde birqatar kásiporyn avtomattandyrylǵan jumys rejimine aýysýda. Adamdardyń ornyna óndiris úderisin oryndaıtyn robottar paıda bolady. Jumysshylar bóligi qysqartylady. Osyǵan baılanysty Premer-Mınıstr oblys ákimine kolledjderge baqylaýdy kúsheıtip, oqý ornyna jumysshylardy suranysqa ıe kásipti ıgerýge qaıta daıarlyqqa jiberýdi tapsyrdy. B.Saǵyntaevtyń Qaraǵandydaǵy jumys sapary bıznesmenderge servıstik jáne konsýltasııalyq qyzmetter kórsetiletin oblystyq kásipkerler palatasy janyndaǵy Kásipkerlerge qyzmet kórsetý ortalyǵynda jalǵasty. HQKO-nyń operasııalyq zalynda kásipkerlerge damý ınstıtýttary, atap aıtqanda, «Damý» qory, HQKO, ekinshi deńgeıdegi bank jáne ınvestorlarǵa qyzmet kórsetý ortalyǵynyń ókilderi keńes beredi. Arnaıy «Oqý synybynda» О́nikti jumyspen qamtý jáne jappaı kásipkerlikti damytý baǵdarlamasy aıasynda nesıeleý sharttary men qoldaý sharalaryn túsindirý boıynsha semınarlar ótkiziledi. Prezıdent N.Nazarbaevtyń Joldaýyna sáıkes kásipkerlikti damytý elimizde ekonomıkalyq ósimniń jańa modelin qalyptastyrý kezinde basty baǵyttardyń biri bolyp tabylady. Osyǵan baılanysty Úkimet «Atameken» UKP-men birge otandyq bıznesti qoldaý sharalaryn keńeıtý boıynsha, onyń ishinde О́nikti jumyspen qamtý jáne jappaı kásipkerlikti damytý baǵdarlamasyn iske asyrý arqyly keshendi jumys júrgizýde. Úkimet basshysy sonymen birge, oblysqa jumys sapary aıasynda «Qaraǵandy – Temirtaý» avtokólik joly aýmaǵynda «Nurly jol» aıasynda júrgizilip jatqan «Ortalyq – Ońtústik» kólik dálizin rekonstrýksııalaý jumysymen tanysty. «Qaraǵandy – Temirtaý» avtojoly ýchaskesinde beton jabynyn tóseý jáne armatýralaý jumystary júrgizilip jatyr. «QazAvtoJol» UK» AQ Qaraǵandy bólimshesiniń dırektory Q.Shaımın avtokólik jolyn jóndeý barysy men jospardaǵy aıaqtalý merzimi týraly baıandady. 2015 jyly «Nurly jol» ınfraqurylymdyq damý memlekettik baǵdarlamasy aıasynda jóndeý jumystary bastalǵan «Ortalyq – Ońtústik» kólik dálizi el ekonomıkasy úshin úlken mańyzǵa ıe. Bul dáliz kólik-logıstıkalyq áleýetti damytýǵa yqpal etetin bolady jáne Qazaqstanǵa álemdik kólik joldaryna qosylýǵa ári tranzıttik halyqaralyq tasymaldardyń kólemin arttyrýǵa múmkindik bermek. Prezıdent N.Nazarbaevtyń tapsyrmasyna sáıkes, taıaý bes jylda aýylsharýashylyq ónimderi óndirisi jáne qaıta óńdeý ártaraptandyrýdyń negizgi kózi jáne ekonomıkalyq ósimniń qozǵaýshy kúshi bolýy tıis. Osyǵan baılanysty, AО́K-ti damytýdyń 2017-2019 jyldarǵa arnalǵan memlekettik baǵdarlamasy aıasynda qaıta óńdeý jáne jumys istep turǵan kásiporyndardy júkteý úlesin arttyrý boıynsha keshendi jumystar júrgizilýde. Premer-Mınıstrdiń sapary Qaraǵandydaǵy sút ónimderin óndiretin kásiporyn «Nátıje» sút fabrıkasy» JShS-men tolyqty. Kásiporynnyń bas dırektory E.Áshim sút fabrıkasynyń aǵymdaǵy qyzmeti jáne onyń perspektıvalary týraly baıandap, qoldanylatyn tehnologııalar men sút ónimderin óndiretin tehnologııalyq jeliler ornalasqan óndiristik sehtyń jabdyqtary týraly málimdedi. B.Saǵyntaev Qazaqstannyń iri ónerkásiptik kásiporyndarynyń biri «ArselorMıttal Temirtaý» AQ-tyń óndiristik nysandaryn, olardyń ishinde JES-2 jáne №3 domna peshin aralady. Onda Energetıka mınıstri Q. Bozymbaev tutynýshylardy jylý jáne elektr energııasymen úzdiksiz qamtamasyz etý boıynsha asa mańyzdy mindetti oryndaý sharalary týraly aıtyp ótti. Premer-Mınıstr №3 domna peshindegi shoıyn shyǵarý prosesimen tanysty. «ArselorMıttal Temirtaý» AQ bas dırektory Kalon Paramjıt Úkimet basshysyna kompanııanyń qyzmeti jáne damýdyń aldaǵy perspektıvalary jaıly baıandady. Oblysqa jumys saparyn B.Saǵyntaev elimizdiń monoqalalaryn damytý jóninde jumys keńesimen túıindedi. Is-sharaǵa ortalyq jáne jergilikti memlekettik organdardyń ókilderi, monoqalalardyń ákimderi jáne óńirdiń ónerkásiptik kásiporyndarynyń basshylary qatysty. Kezdesýge qatysýshylar óńirlerdi damytýdyń 2020 jylǵa deıingi baǵdarlamasy aıasyndaǵy monoqalalardy damytý barysyn, «zákirlik» ınvestısııalyq jobalardy iske asyrý barysyn, toqtap qalǵan jáne tolyq júktelmegen jobalar máselelerin, sondaı-aq, shaǵyn jáne orta bıznesti damytýdyń túıtkildi máselelerin talqylady. Osy taqyryptar boıynsha Ulttyq ekonomıka mınıstri Tımýr Súleımenov pen Investısııalar jáne damý mınıstri Jeńis Qasymbek baıandama jasady. Keńesti qorytyndylaı kele, Premer-Mınıstr Baqytjan Saǵyntaev elimizdiń iri ónerkásiptik kásiporyndarynyń basym bóligi monoqalalarda ornalasqanyn jáne júıe quraýshy bolyp tabylatynyn atap ótti. Sondyqtan, elimizdiń Prezıdenti N. Nazarbaevtyń «Qazaqstannyń úshinshi jańǵyrýy: jahandyq básekege qabilettilik» Joldaýyn iske asyrý aıasynda osyndaı zaýyttardy tehnologııalyq jańǵyrtý osy eldi mekenderdiń turǵyndary úshin asa mańyzdy. Sonymen qatar, monoqalalardyń bolashaǵy halyqtyń belsendi bóligine, atap aıtqanda, týrızm jáne aýyl sharýashylyǵy sııaqty salalardy damytýǵa qarajat sala alatyn kásipkerlerge baılanysty ekendigi atap ótildi. Premer-Mınıstr memlekettik organdarǵa keńeste aıtylǵan usynystardy monoqalalardyń ınvestısııalyq tartymdylyǵyn arttyrý maqsatynda olardy damytýdyń árekettegi baǵdarlamasyna ózgerister ázirleý kezinde eskerýdi tapsyrdy.
Mıras ASAN, «Egemen Qazaqstan»
Qaraǵandy oblysy