Otandystarymyz aqtyq básekede Japonııa quramasymen kúsh synasty. Birinshi partııany japondyqtar 25:13 esebimen ońaı utqanymen, qalǵandary tartysty ótti. Ekinshi partııada Japonııa oıynshylary 25:20 esebimen basym tússe, úshinshisin qazaqstandyqtar 27:25 esebimen óz paıdasyna jazdy.
Áıtse de japondyqtar odan árige múmkindik bermeı, tórtinshi partııany (25:23) jeńispen aıaqtady. Sóıtip olar 3:1 esebimen Igor Nıkolchenko jattyqtyratyn qazaqstandyqtardy utyp, Azııa chempıony atandy. Indonezııa quramasyn 3:0 esebimen tize búktirgen Ońtústik Koreıa voleıbolshylary qola júldege ıe boldy.
Osyǵan deıin Qazaqstan quramasy 1993 jylǵy Azııa chempıonatynda fınalǵa deıin jetip, kúmis júldeger atanǵan bolatyn. Al jańa ǵasyrdaǵy úzdik kórsetkishi 2009 jylǵy birinshiliktegi besinshi oryn edi. Osylaısha, qazaqstandyqtar budan 24 jyl burynǵy jetistigin qaıtalady.