Seriktestik dırektory Aleksandr Dvorsevoı qurylys materıaldaryn óndirý baǵytynda atqarylyp jatqan ozyq tehnologııalar jaıly Baq.kz tilshisine aıtyp berdi.
Búginde kombınat qabyrǵa paneli, tóbe jabyndy jáne qorshaýlar, túrli qurylymdardy jabýǵa arnalǵan plıtalar shyǵarady. Qazir óńirde turǵyn úı qurylysy qarqyn alýda. «Nurly jol» baǵdarlamasy aıasynda salynatyn turǵyn úılerdiń sáýletine de mán beriledi. Kókshetaýdyń temirbeton buıymdaryn shyǵaratyn kombınaty elimizdiń basqa óńirlerimen de jumys isteýge ázir.
«Alǵashqy ýaqytta qurylys materıaldarynyń 3 túrin ǵana shyǵardyq. Búginde shyǵarylatyn ónim túrlerin kóbeıtýdemiz. Kombınat tolyq qýattylyǵyna kóshkennen bastap baspaldaqtar, túrli uzyndyqtaǵy jabyndy plıtalar men turǵyn úı qurylysyna qatysty ózge de materıaldar shyǵarýdy qolǵa aldy. Qurylys kombınatynyń ónimderi oblys ortalyǵyndaǵy áleýmettik nysandar, turǵyn úıler qurylysyna paıdalanylýda. О́nimniń negizgi bóligi elordanyń qurylys nysandaryna jóneltiledi»,–deıdi seriktestik dırektory Aleksandr Dvorsevoı.
Turǵyn úı kombınatynda 100-ge jýyq adam jumys isteýde. Qalada taǵy eki paneldi úıdiń irgetasy qalanady dep josparlanyp otyr.
Mamandardyń aıtýyna qaraǵanda qazirgi panelder burynǵy keramzıtten áldeqaıda sapaly ári sándi. 18 santımetrlik jylý qorǵaǵysh jamylǵysy bar. Qazir kásiporyn shıkizat bazasy retinde jergilikti kenishterdegi qum men shebendi paıdalanyp otyr.
Qurylys kombınaty turǵyn úılerdi jyldam turǵyzatyndyǵymen erekshelenedi. Qurylysqa qoldanylatyn materıaldar qatań baqylaýdan ótedi. О́ıtkeni olar sapa standarttaryna saı kelýi tıis. Mamandar turǵyn úı qurylysynda jergilikti beton buıymdary paıdalaný qazirgi salynyp jatqan qysh jobalardan arzanǵa túsetindigin aıtyp otyr.
Kəsiporyn basshysynyń aıtýynsha, aldaǵy ýaqytta qalada birneshe paneldi turǵyn úıler turǵyzý josparlanǵan. Onyń alǵashqysy – pılottyq joba retinde «Iýbıleınyı» shaǵyn aýdanynda byltyr qolǵa alynǵan turǵyn úı. Qurylys jumystaryn bas merdiger «NIKS Injınırıng Grýpp IV» JShS júrgizdi. 90 páterlik toǵyz qabatty turǵyn úı jaqynda paıdalanýǵa berilmek.
–Joba quny 750 mıllıon teńgeni qurap otyr. Jobaǵa sáıkes kópqabatty turǵyn úıde 18 úsh bólmeli, 36 eki bólmeli jáne osynshalyqty bir bólmeli páterler bolady. Ishki bólmelerdiń aýmaǵy keń. Qabyrǵa panelderi úshqabatty, ortasyna penoplast plıtalar salynady. Qurylys nysany fın tehnologııasymen salynýda. Iri paneldi úıler tez salynady. Buryn 90 páterlik kópqabatty turǵyn úı montajyna eki aptadan artyq ýaqyt jumsalsa, bizdiń qurylysshylar osy jumysty toǵyz kúnde aıaqtady. Qazirgi kezde ǵımarattyń toǵyz qabaty turǵyzyldy.Úı qurylysyna energııa únemdeý tehnologııasy qoldanyldy, – deıdi kásiporyn basshysy Aleksandr Dvorsevoı.