Buǵan deıin ol Qazaqstan jastar quramasy (U21) aǵa jattyqtyrýshysynyń kómekshisi qyzmetin atqarǵan.
Federasııanyń málimetinshe, Igor Svechnıkov fýtbol karerasynda «Hımık», «Selınnık», «Qaırat», «Metallýrg» (Magnıtogorsk) jáne «Jeńis» komandalarynda oınaǵan. Bapkerlik qyzmetiniń kóp bóligin «Jeńis», «Oqjetpes», «Jetisý», «Astana» jáne «Báıterek» klýbtarynda ótkizgen. Oǵan jasóspirimder quramasyn jattyqtyrýǵa taǵy bir qazaqstandyq maman – Ivan Azovskıı kómektesetin bolady.
Aıta keteıik, Qazaqstan jasóspirimder quramasy (U17) aldaǵy ýaqytta birneshe halyqaralyq týrnırge qatysady. Atap aıtqanda, fýtbolshylar 4-8 qyrkúıek aralyǵynda QR Prezıdentiniń Kýbogynda, al 19-25 qyrkúıek aralyǵynda Belarýs astanasy Mınskide 2018 jylǵy Eýropa Chempıonatynyń irikteý týrnırinde synǵa túsedi.