Onyń aıtýynsha, kúdiktiler Qyrǵyzstannan kelgen kontrabandalyq júkti, ıaǵnı jylqyny shekaradan zańsyz ótkizbek bolyp, qorshaýlardy buzǵan.
«Zańbuzýshylyqqa qatysqan jáne shekara qyzmetindegi ınjenerlik-tehnıkalyq nysanǵa nuqsan keltirgen barlyq tulǵalardyń áreketi anyqtalyp, qazir olarǵa qatysty tergeý amaldary júrgizilip jatyr. Jýyq arada barlyq nátıjeler belgili bolady», – dedi Shekara qyzmetiniń dırektory.
Eske sala keteıik, ótken jeksenbide Jambyl oblysyndaǵy qazaq-qyrǵyz shekarasynda oq atylyp, adam óldi. Shekara qorshaýlaryn buzbaq bolǵan 20 shaqty adamdy shekarashylar toqtatpaq bolǵan. Alaıda, olar saqshylarǵa tas atyp, jaraqattaǵan. Zańsyzsyzdyqty toqtatý úshin shekara qyzmetkeri oq atyp, bir adam qaza boldy. Qazir eki tarapqa qatysty qylmystyq is qozǵaldy. Shekarashynyń qarý qoldaný áreketiniń zańdylyǵy da tekserilmek.