Buǵan deıin tártip saqshylar lańkestik shabýyldy 17 jastaǵy Mýssa Ýkabır jasady dep boljaǵan bolatyn. Alaıda, Katalonııa quqyq qorǵaý organdarynyń basshysy Hosep Lýıs Trapero keshe keshkisin bul boljamnyń ekitalaı ekenin atap ótti. Jańa derekter boıynsha, Barselona ortalyǵynda jaıaý júrginshilerdi júk kóligimen basyp ótti degen kúdikpen Iýnes Abýıakýb izdestirilip jatyr.
Jalpy, Barselonadaǵy lańkestikti uıymdastyrýǵa shamamen 12 adamnyń qatysqany anyqtaldy. Onyń beseýi Kambrıls kýrortty qalasyndaǵy qaqtyǵystan keıin polısııa qolynan qaza tapty. Quqyq qorǵaýshylar úsheýiniń aty-jónin anyqtady. Olar: Mýssa Ýkabır, Saıd Alaa men Mohammed Hıchamı.
1995 jylǵy Iýnes Abýıakýbtyń da terrorıstik uıashyqtyń ózge ókilderi sekildi Jırona provınsııasyndaǵy Rıpol katalondyq mýnısıpalıtetinde turǵany anyqtaldy.